“Mikrokreditbank” ATB tomonidan Toshkent III Xalqaro investitsiya forumi doirasida bir nechta xalqaro moliya institutlari va xorijiy banklar, shu jumladan, Rossiya Feredatsiyasining “RosselxozBank” va Germaniyaning “AKA” banki vakillari bilan uchrashuvlar o‘tkazildi.
Xususan, Rossiya Federatsiyasining “RosselxozBank” AJ vakillari bilan uchrashuvda ikki tomonlama hamkorlikni kengaytirish, jumladan, g‘aznachilik amaliyotlari, savdoni moliyalashtirish masalalari yuzasidan kelishib olindi.
Shuningdek, Germaniyaning “AKA” banki vakillari bilan Yevropa davlatlariga bog‘liq eksport shartnomalarini moliyalashtirish hamda savdoni moliyalashtirish liniyalarini jalb qilish yuzasidan Bosh kelishuvni imzolash bo‘yicha kelishuvga erishildi.