Navoiy viloyatining Nurota tumanida “Mikrokreditbank” ochiq aksiyadorlik tijorat banki tashabbusi bilan “Yoshlarning biznesdagi birinchi qadami!” mavzusida anjuman bo'lib o'tdi. “Bank va kollej hamkorligi” loyihasi doirasida O'zbekiston Respublikasi Markaziy banki, Respublika Xotin-qizlar qo'mitasi, O'rta maxsus kasb-hunar ta'lim Markazi bilan hamkorlikda tashkil etilgan mazkur tadbirda viloyat hokimligi, Kollejlar boshqarmasi, kasb-hunar kollejlari rahbarlari va kollej bitiruvchilari, shuningdek keng jamoatchilik vakillari ishtirok etishdi.
Prezidentimiz tashabbusi va 2006 yil 5 maydagi Farmoni asosida faoliyat yuritib kelayotgan “Mikrokreditbank” o'tgan qisqa davr mobaynida ko'plab yurtdoshlarimizning, ayniqsa kasb-hunar kollejlarini bitirib, mehnat bozoriga qadam qo'yayotgan yoshlarimizni tadbirkorlik faoliyatiga jalb qilish, ularni moliyaviy qo'llab-quvvatlash barobarida chekka xududlarda ham yangi-yangi ish o'rinlarini tashkil etilishida o'zining munosib hissasini qo'shib kelmoqda.
O'tkazilgan loyihadan ko'zlangan asosiy maqsad ham xududlardagi kasb-hunar kollejlari bitiruvchilari bandligini ta'minlash, yoshlarning innovatsion loyiha va tashabbuslarini iqtisodiyotga joriy etishga qaratilgan. Bu borada Prezidentimizning “Ta'lim muassasalarining bitiruvchilarini tadbirkorlik faoliyatiga jalb etish borasidagi qo'shimcha chora-tadbirlar to'g'risida”gi Farmoni ijrosini yuzasidan “Mikrokreditbank” ochiq aksiyadorlik tijorat banki Respublikamiz viloyat va tumanlaridagi O'rta-mahsus ta'lim markazlari bilan hamkorlikda 2013-2014 o'quv yilida kasb-hunar kollejlarini bitirib chiqayotgan yoshlarni aynan egallagan mutaxassisliklari bo'yicha tadbirkorlik faoliyatlarini yo'lga qo'yishlari uchun biznes-rejalar ishlab chiqish va boshlang'ich sarmoya mikrokreditlari ajratish, provardida esa doimiy ish o'rni yaratish borasida say'-harakatlar amalga oshirilib kelinmoqda.
Jumladan, “Kamolot” yoshlar ijtimoiy harakati O'rta maxsus kasb-hunar ta'lim Markazi, Savdo-sanoat palatasi bilan hamkorlikda yoshlar tadbirkorligini moliyaviy qo'llab-quvvatlash maqsadida “Yosh tadbirkor yurtga madadkor”, “Mening biznes g'oyam” loyihalari amalga oshirilmoqda.
Tadbirda so'zga chiqqanlar yurtimizda yoshlarga oid davlat dasturini amalga oshirish, bu borada tadbirkor yoshlarimiz uchun keng imkoniyatlar ochib berish yuzasidan, xukumatimiz tomonidan olib borilayotgan keng ko'lamdagi islohotlar natijada ularning safi kun sayin kengayib borayotganini e'tirof etdilar.
Olib borilayotgan ishlar samarasi o'laroq, bank tomonidan joriy yilda kichik biznes va xususiy tadbirkorlik sub'ektlariga ajratiladigan jami kreditlar 645 mlrd. so'mga, shundan ko'rsatiladigan mikromoliyaviy xizmatlar hajmi 295 mlrd. so'mga etkazilishi ko'zlangan. Jumladan, yil boshidan buyon muassasa tomonidan soha sub'ektlariga jami 249,1 mlrd. so'm miqdorida kreditlar ajratildi. Shundan, imtiyozli mikromoliyaviy xizmatlar miqdori 114,9 milliard so'mga etkazilib, belgilangan prognoz-ko'rsatkich 102 foizga bajarildi. Buning hisobiga 4 ming 608 ta yangi ish o'rni yaratildi.
Tadbir davomida yosh tadbirkorlarning bank kreditlari evaziga yaratgan mahsulotlari ko'rgazmasi namoyish etildi. Shuningdek, o'zining puxta biznes rejalariga ega bo'lgan oilaviy tadbirkorlik sub'ektlariga “Mikrokreditbank” tomonidan imtiyozli sarmoya olishlari uchun maxsus sertifikatlar topshirildi.
See also
The training was organized in cooperation with the German Savings Bank Fund
Today, an interactive seminar for bank employees was organized in cooperation with Mikrokreditbank ATB and "German Sparkassenstiftung for international cooperation".
A seminar on business and leadership was held at Mikrokreditbank
On May 26 of this year, a seminar on "Important factors of business organization and leadership qualities" was organized under the leadership of international expert Monika Picker in the banking system.
Students who won the Olympiad will be employed in the bank
The winners of the Olympics were awarded with laptops, tablets, smart watches and souvenirs.
