ҲУРМАТЛИ АКЦИЯДОРЛАР!
«Микрокредитбанк» акциядорлик-тижорат банки Кузатув кенгаши акциядорларнинг навбатдан ташқари умумий йиғилиши 2024 йил 13 июль куни, соат 11:00 дан бошлаб, Тошкент шаҳри, Амир Темур шох кўчаси, 4-уй манзилида жойлашган «Микрокредитбанк» АТБ мажлислар залида ўтказилишини маълум қилади.
Йиғилиш кун тартиби:
1. «Микрокредитбанк» акциядорлик-тижорат банки Акциядорларининг навбатдан ташқари умумий йиғилиши регламентини тасдиқлаш.
2. «Микрокредитбанк» акциядорлик-тижорат банки Кузатув кенгаши айрим аъзолари ваколатларини муддатидан илгари тугатиш.
3. «Микрокредитбанк» акциядорлик-тижорат банки Кузатув кенгаши аъзоларини сайлаш.
«Микрокредитбанк» АТБ Кузатув кенгашининг 2024 йил 21 июндаги мажлиси қарорига асосан, акциядорларнинг навбатдан ташқари умумий йиғилишида иштирок этиш ҳуқуқига эга бўлган акциядорлар реэстри 2024 йил 9 июль куни ҳолатига ҳамда умумий йиғилиш ўтказилиши ҳақида акциядорларга хабар қилиш учун акциядорлар реэстри 2024 йил 21 июнь куни ҳолатига тузилади.
Акциядорларни рўйхатга олиш 2024 йил 13 июль куни соат 10:00 дан 11:00 гача давом этади.
Акциядорлар умумий йиғилишда шахсини тасдиқловчи ҳужжат ва ёзма шаклда тузилган ишончнома асосида қатнашади, юридик шахс номидан берилган ишончнома қонунчиликда белгиланган тартибда, жисмоний шахс номидан берилган ишончнома нотариал тасдиқланган бўлиши керак.
Акциядорларнинг умумий йиғилишида видеоконференс-алоқа тарзида иштирок этувчи акциядорларга бу ҳақда қўшимча маълумот берилади.
Йиғилиш ўтказиш бўйича қўшимча ахборот, унда кўриладиган масалаларнинг ҳужжатлари билан юқоридаги манзилга ва қуйидаги телефон рақамларига мурожаат қилиш ҳамда банкнинг корпоратив веб-сайти (www.mikrokreditbank.uz) орқали танишиш мумкин.
Тел: 998 (71) 202-99-99 (1217, 1218)
Банк Кузатув кенгаши
