"Бир миллион дастурчи" доирасида истеъмол кредити

Кредит ҳақида

“Бир миллион дастурчи” лойиҳаси доирасида ўқув курсларини муваффақиятли тугатган ва сертификат олган ёшларга компьютер харидлари учун истеъмол кредити”

Қарз олувчи: «Бир миллион дастурчи» лойиҳаси доирасида ўқув курсларини муваффақиятли тугатган ва сертификат олган ҳамда компьютер сотиб олиш мақсадида истеъмол кредити олган ва кредит шартномасида белгиланган шартларда қайтариш мажбуриятига эга, ўттиз бир ёшга тўлмаган Ўзбекистон Республикаси фуқароси (ўн олти ёшга тўлмаган шахс номидан мурожаат қилган унинг қонуний вакили).

Кредит мақсади: «Бир миллион дастурчи» лойиҳаси доирасида ўқув курсларини муваффақиятли тугатган ва сертификат олган ёшларга компьютер (шу жумладан, Ўзбекистон Республикасида ишлаб чиқарилмаган) харидларини амалга ошириш учун ажратилади.

Кредит олувчи банкка қуйидаги ҳужжатларни тақдим этади:

• Мижоз, биргаликда қарз олувчи ва жисмоний шахс бўлган кафилнинг ИД карта ёки паспорт;

• “Бир миллион дастурчи” лойиҳаси доирасида ўқув курсларини муваффақиятли тугатганлиги тўғрисида сертификат нусхаси;

• Сертификатнинг верификациядан ўтганлиги ва кредитнинг фоиз тўловларини компенсация қилиб бериш тўғрисида Ўзбекистон Республикаси Ёшлар ишлари агентлиги томонидан берилган маълумотнома (тақдим қилинганига 60 (олтмиш) кундан ошмаган бўлиши лозим);

• Компьютер сотиб олиш бўйича олди-сотди шартномаси; 

• кредит таъминоти ҳужжатлари.

Кредит таъминоти:

• учинчи шахс кафиллиги;

• суғурта полислари;

• «Ижтимоий ҳимоя ягона реэстри»га кирган оиланинг фарзанди ёки «Ёшлар дафтари»га кирган «Бир миллион дастурчи» лойиҳаси доирасида ўқув курсларини муваффақиятли тамомлаб, сертификат олган ёки ИТ-парк резиденти бўлган ташкилотларнинг ахборот технологиялари соҳасидаги ўқув курсларида таҳсил олаётганлиги ҳақида иштирокчи сертификатини олган ёки ушбу ўқув курсларини сўнгги 6 ойда муваффақиятли тамомлаган ёшларга компьютер харид қилиш мақсадида кредит олиш учун Ёшларга оид давлат сиёсатини қўллаб-қувватлаш жамғармаси томонидан 2023 йил 1 августга қадар бериладиган кафиллик;

Кредит муддати: 24 ойгача.

Йиллик фоиз ставкаси: Ўзбекистон Республикаси Марказий банки асосий ставкасининг 1,5 бараваридан ошмаган миқдорда.

Кредит ажратишнинг энг юқори миқдори: Базавий ҳисоблаш миқдори (БҲМ) нинг 25 баравари миқдоригача.