Bank tomonidan barcha to‘lov operatsiyalari o‘z vaqtida amalga oshirilgan

Joriy yil 15-iyun kuni Telegram tarmog‘idagi “Nigora Alimova” kanali orqali fuqaro N.A.ning murojaati e’lon qilindi. Unga ko‘ra, Andijon viloyati "Gold Grown Pharma" MCHJ rahbari oʻz ishchilariga oylik maosh berishda Andijon viloyat Mikrokreditbank filialidan pul ololmay sarson bo‘layotgani yuzasidan video murojaat e’lon qilingan.

 Mazkur holat yuzasidan o‘rganishlar natijasida quyidagilar aniqlandi.

Ushbu video murojaat Andijon viloyati mintaqaviy filiali Amaliyot bo‘limi mijozi, “Gold Grown Pharma” MCHJ ta’sischisi N.Axmadaliyeva tomonidan tasvirga olingan. 

Qayd etib o‘tish joizki, “Gold Grown Pharma” MCHJ tomonidan 2023-yil iyun oyi davomida 303 200 000 mln so‘m miqdoridagi pul mablag‘i mobil ilova orqali ish haqi va unga tenglashtirilgan to‘lovlar uchun o‘tkazilgani aniqlandi. Ya’ni ushbu korxonaga oid barcha moliyaviy topshiriqlar masofaviy bank xizmatlari yordamida amalga oshirilmoqda va bunga hech qanday cheklovlar o‘rnatilmagan. 

Ma’lumot o‘rnida aytadigan bo‘lsak, “Gold Grown Pharma” MCHJ rahbari R.Xaydarovning 2021-yil 11-oktabrdagi arizasiga asosan, 2021-yil 12-oktabr kuni bank balansidagi Savdo va maishiy xizmat koʻrsatish shoxobchasi va ofis bino inshootlari (QQS bilan) 6 547 984 500 soʻmga hamda Manzarali daraxtlar va koʻchatlar (QQS bilan) 986 247 675 soʻmga, jami 7 561 232 175 so‘mga uzoq muddatli, ya’ni 84 (sakson toʻrt) oyga bo‘lib toʻlash sharti bilan oʻtkazib berilgan.  Biroq, ayni paytda o‘z vaqtida to‘lanmagan mablag‘lar hisobiga “Gold Grown Pharma” MCHJning bank oldidagi qarzdorligi ortib bormoqda. 

Shu o‘rinda tadbirkordan bank faoliyati haqida asosga ega bo‘lmagan axborotlarni tarqatmaslikni hamda bank oldidagi majburiyatlarini o‘z vaqtida bajarishni so‘rab qolamiz.    

Bank Axborot xizmati