MKBANK va Mastercard o'rtasida memorandum imzolandi!

Memorandumga ko'ra, yaqin kunlarda bankimizda Mastercard kartalarini joriy qilish rejalashtirilmoqda.

Mazkur memorandum Samarqand shahrida o'tayotgan Yevropa tiklanish va taraqqiyot banki Boshqaruvchilar kengashining 32-yillik yig'ilishi doirasida imzolandi.

Shuningdek, bankimizda toʻlovlar va pul oʻtkazmalarining eng ishonchli, xavfsiz va qulay tarzda oʻtishini taʼminlaydigan innovatsion Mastercard texnologiyalarini joriy etish ko‘zda tutilmoqda.

Bundan tashqari, mazkur loyiha asosida kichik va o'rta biznesni qo'llab-quvvatlash ham nazarda tutilgan.

Mastercard yordamida:
– xorijiy pul o'tkazmalarini amalga oshirish;
– P2P xizmatlari;
– 3ds xizmati;
– SMS-xabarnomalar;
– Kontaktsiz to'lovlar amalga oshirishingiz mumkin.

Shuningdek, virtual karta ochishingiz mumkin.

Mastercard kompaniyasi haqida ma’lumot: 
Mastercard – global to'lov texnologiyalari kompaniyasi hisoblanadi. Kompaniyaning vazifasi tranzaksiyalarni xavfsiz, sodda va qulay qilish orqali keng jamoatchilikka foyda keltiradigan inklyuziv raqamli iqtisodiyotni shakllantirish va kuchaytirishdan iborat. Kompaniyaning innovatsion dasturlari jismoniy shaxslar, moliya institutlari, davlat idoralari va korxonalarga o'z salohiyatini ro'yobga chiqarishga yordam beradi.

Bank Axborot xizmati