"Bir million dasturchi" doirasida iste'mol krediti

Kredit haqida

“Bir million dasturchi” loyihasi doirasida o‘quv kurslarini muvaffaqiyatli tugatgan va sertifikat olgan yoshlarga kompyuter xaridlari uchun iste'mol krediti”

Qarz oluvchi: «Bir million dasturchi» loyihasi doirasida o‘quv kurslarini muvaffaqiyatli tugatgan va sertifikat olgan hamda kompyuter sotib olish maqsadida iste'mol krediti olgan va kredit shartnomasida belgilangan shartlarda qaytarish majburiyatiga ega, o‘ttiz bir yoshga to‘lmagan O‘zbekiston Respublikasi fuqarosi (o‘n olti yoshga to‘lmagan shaxs nomidan murojaat qilgan uning qonuniy vakili).

Kredit maqsadi: «Bir million dasturchi» loyihasi doirasida o‘quv kurslarini muvaffaqiyatli tugatgan va sertifikat olgan yoshlarga kompyuter (shu jumladan, O‘zbekiston Respublikasida ishlab chiqarilmagan) xaridlarini amalga oshirish uchun ajratiladi.

Kredit oluvchi bankka quyidagi hujjatlarni taqdim etadi:

• Mijoz, birgalikda qarz oluvchi va jismoniy shaxs bo‘lgan kafilning ID karta yoki pasport;
• “Bir million dasturchi” loyihasi doirasida o‘quv kurslarini muvaffaqiyatli tugatganligi to‘g‘risida sertifikat nusxasi;
• Sertifikatning verifikatsiyadan o‘tganligi va kreditning foiz to‘lovlarini kompensatsiya qilib berish to‘g‘risida O‘zbekiston Respublikasi Yoshlar ishlari agentligi tomonidan berilgan ma'lumotnoma (taqdim qilinganiga 60 (oltmish) kundan oshmagan bo‘lishi lozim);
• Kompyuter sotib olish bo‘yicha oldi-sotdi shartnomasi; 
• doimiy daromadga ega bo‘lishi;
• kredit ta'minoti hujjatlari.

Kredit ta’minoti:

• uchinchi shaxs kafilligi;
• sug‘urta polislari;
• «Ijtimoiy himoya yagona reestri»ga kirgan oilaning farzandi yoki «Yoshlar daftari»ga kirgan «Bir million dasturchi» loyihasi doirasida oʼquv kurslarini muvaffaqiyatli tamomlab, sertifikat olgan yoki IT-park rezidenti boʼlgan tashkilotlarning axborot texnologiyalari sohasidagi oʼquv kurslarida tahsil olayotganligi haqida ishtirokchi sertifikatini olgan yoki ushbu oʼquv kurslarini soʼnggi 6 oyda muvaffaqiyatli tamomlagan yoshlarga kompьyuter xarid qilish maqsadida kredit olish uchun Yoshlarga oid davlat siyosatini qoʼllab-quvvatlash jamgʼarmasi tomonidan 2023 yil 1 avgustga qadar beriladigan kafillik;

Kredit muddati: 24 oygacha.

Yillik foiz stavkasi: O‘zbekiston Respublikasi Markaziy banki asosiy stavkasining 1,5 baravaridan oshmagan miqdorda.

Kredit ajratishning eng yuqori miqdori: Bazaviy hisoblash miqdori (BHM) ning 25 baravari miqdorigacha.