"Ózbekstan Respublikası Mámleketlik bayraǵı haqqında"ǵı nızam 1991-jıl 18-noyabrde Ózbekstan Respublikası Joqarǵı Keńesiniń gezeksiz ótkerilgen VII sessiyasında qabıl etilgen.
Mámleketlik bayraq hám onıń belgisi búgingi Ózbekstan shegarasında áemgi waqıtta bar bolǵan mámleketler menen tariyxıy baylanıslılıǵın ańlatadı hám respublikanıń milliy-mádeniy dástúrlerin ózinde jámleydi.
Bayraqtaǵı kók reń tirishilik mazmunın sáwlelendirgen máńgi aspan hám tirishilik suwı simvolı. Timsallar tilinde bul - jaqsılıqtı, danıshpanlıqtı, hadallıqtı, dańq-abıray hám sadıqlıqtı bildiredi. Demek, Amir Temur mámleketi bayraǵınıń reńi de kók rende edi.
Bayraqtaǵı aq reń - muqaddes tınıshlıq belgisi bolıp, ol kún jaqtılıǵı hám kosmos jaqtırtqıshları menen úylesip ketedi. Aq reń - tazalıq, páklik, pákliktiń, arzıw-ármanlardıń tazalıǵı, ishki gózzallıqqa umtılıwdıń tımsalı.
Jasıl reń - tábiyattıń jańalanıwı belgisi. Ol kóplegen xalıqlarda náwqıranlıq, úmit hám quwanısh tımsalı esaplanadı.
Qızıl sızıqlar - denemizde qaynap aǵıp atırǵan turmıslıq kúsh dáryaların ańlatadı.
Jas yarım ay súwreti biziń tariyxıy dástúrlerimiz benen baylanıslı. Házirgi waqıtta ol qolǵa kirgizilgen ǵárezsizligimizdiń belgisi de bolıp esaplanadı.
Juldızlar hámme ushın ruwxıy, ilahiy tımsal esaplanǵan. Ózbekstan Respublikası Mámleketlik bayraǵındaǵı 12 juldız súwreti de tariyxıy dástúrlerimiz, áemgi jılnamalarımızǵa tikkeley baylanıslı. Biziń on eki juldızǵa bolǵan itibarımız Ózbekstan shegarasındaǵı áyyemgi mámleketler ilimiy oy-pikirinde juldızshılıq iliminiń rawajlanǵanlıǵı menen de túsindiriledi.
Mámleketlik bayraǵıımızdaǵı 12 juldızdıń kórinisin ózbek xalqınıń mádeniyatınıń áemgiligi, onıń kámillikke, óz topıraǵında baxıtqa umtılıwınıń tımsalı sıpatında túsiniw kerek.
