Usı jıldıń 27-28-may kúnleri Qashqadárya wálayatı, Shahrisabz rayonındaǵı Miraki mádeniy-turistlik orayında "Ekonomikalıq rawajlanıw hám básekige shıdamlılıqtı arttırıwda kishi hám orta biznes imkaniyatların keńeytiw" atamasında xalıqaralıq konferenciya bolıp ótti.
Ilajda Ózbekstan Respublikası ekonomika hám qarjı ministrligi, kishi hám orta biznes subektleri, qarjı institutları, xalıqaralıq shólkemler, rawajlanıw boyınsha birge islesiwshiler Aziya rawajlanıw banki, Evropa tikleniw hám rawajlanıw banki, Jáhán banki, Birlesken Milletler Shólkeminiń Rawajlanıw Baǵdarlaması hám bir qatar ilimiy mákemeler, izertlew orayları hám ǵalaba xabar qurallarınıń wákilleri qatnastı.
Konferenciyanıń tiykarǵı maqseti - Ózbekstannıń 2025-2030-jıllarda kishi hám orta biznesti rawajlandırıw strategiyasın rásmiy túrde tanıstırıw, mápdar táreplerdi usı strategiyanı ámelge asırıwǵa jedel tartıw hám birge islesiwdi kúsheytiwden ibarat boldı.
Bul ánjuman mikro, kishi hám orta biznes sektorın rawajlandırıw arqalı turaqlı ekonomikalıq ósiwge erisiwdi gózlegen keń kólemli baslama sıpatında tán alındı.
Ánjumanda "Mikrokreditbank" AKB Basqarma baslıǵınıń orınbasarı Shahlo Ibragimova da qatnastı.
Shahlo Ibragimova óziniń shıǵıp sóylegen sózinde "Mikrokreditbank" AKB tárepinen kishi biznesti finanslıq qollap-quwatlaw, shańaraqlıq isbilermenlikti rawajlandırıw hám hayal-qızlardı isbilermenlikke jedel tartıw baǵdarında erisilgen nátiyjeler haqqında maǵlıwmat berdi. Sonday-aq, banktiń innovaciyalıq kredit ónimleri, konsalting xızmetleri hám bilimlendiriw baǵdarlamaları arqalı jergilikli isbilermenlerdi qollap-quwatlawda belsene qatnasıp atırǵanın atap ótti.
Ánjumanda Ózbekstan Respublikası Ekonomika hám qarjı ministrligi, xalıqaralıq finans institutları hám rawajlanıw agentlikleri menen birgelikte islep shıǵılǵan strategiyanıń maqsetleri, tiykarǵı baǵdarları hám ámelge asırıw mexanizmleri dodalandı. Ásirese, bilim almasıw, aldıńǵı ámeliyatlardı engiziw, kishi hám orta biznesti finanslıq qollap-quwatlaw, hayal-qızlar hám jaslar isbilermenligin keńeytiw máseleleri tiykarǵı itibarda boldı.
Xalıqaralıq konferenciya juwmaǵında strategiyanı ámelge asırıwda qatnasıwshılardıń roli, birge islesiw mexanizmleri
Bank Málimleme xızmeti
Qarañ da
"Milliy kiyimler kúni" Ferǵana wálayatı aymaqlıq basqarmasında!
Ol ázelden saltanat, gózzallıq hám bayram keypiyatı tımsalı bolıp kelgen.
MKBANKte korrupciyalıq jaǵdaylarǵa dus keldińiz be? Bizge "Tez xabar" beriń!
Sistemada korrupciya jaǵdayları hám nızamsız háreketler haqqında xabar beriw ushın baylanıs kanallarımız bar.
Qurban hayıtı bayramında jumıs tártibimiz
Dem alıs kúnleri "MAVRID" qosımshasınan 24/7 rejimde aralıqtan turıp paydalanıwıńız múmkin!
