"Mikrokreditbank" AKB hám "Quva-Agro Star" JShJ tárepinen 2025-jıl 28-may kúni Ferǵana wálayatı Quva rayonında "Gilos sayli" festivalı ótkerildi. Onda "Mikrokreditbank" AKB basshıları, wálayat hám rayon hákimligi juwapkerleri, baǵmanlar, isbilermenler, turistler, ǴXQ hám xalıq wákilleri qatnastı.
Ilajda miyweli baǵ jaratıw perspektivaları, elimizde jetistirilgen miywelerdi sırt elge eksport etiw imkaniyatları, erisilgen nátiyjeler, aldaǵı wazıypalar dodalandı.
Bul festival sheńberinde agrosanaat tarawın rawajlandırıw, eksport potencialın arttırıw hám xalıqtıń bántligin támiyinlewge qaratılǵan ilajlar boyınsha seminar shólkemlestirildi.
Sonday-aq, "Gilos seyili" sheńberinde "Mikrokreditbank" AKB juwapkerleri tárepinen sońǵı aylarda Quva rayonında awıl xojalıǵın rawajlandırıw boyınsha ámelge asırılıp atırǵan jumıslar tanıstırıldı hám bul haqqında tolıq maǵlıwmat berildi.
Usı jıldıń 30-yanvarında bolıp ótken májiliste Prezident tárepinen kommerciyalıq banklerge anıq aymaqlar biriktirilip, olar arqalı agrar tarawdı qollap-quwatlaw tapsırılǵan edi.
Mikrokreditbankke Quva rayonı biriktirildi. Soǵan muwapıq, Quva rayonında "Quva-Agro Star" JShJ, Ferǵana rayonında bolsa "Ferǵana-Agro Star" joybarlaw ofisi shólkemlestirildi.
Bul strukturalar arqalı:
• agrar tarawda oqıw-seminarlar shólkemlestirildi (sonıń ishinde, túrkiyalı qánige hám jergilikli agronomlardıń qatnasıwında 10 seminar);
Belarusstan xalıqaralıq ekspert tartıldı;
• xalıqtıń qıytaq jerleri hám ijara jerleri xatlawdan ótkerildi;
• ulıwma bahası 11,2 mlrd sumlıq (8 mlrd sum kredit) 8 joybar qáliplestirilip, "Baǵdarshılıq" kredit ónimi tiykarında qarjılandırıldı;
• Quva hám basqa rayonlarda muzlatqıshlar, qadaqlaw hám konservalaw infrastrukturaları qurılısı baslandı.
Bank tárepinen usı jıldıń ótken dáwirinde 4 mıńǵa shamalas xalıq hám awıl xojalıǵı subektlerine 50 milliard sumnan aslam jeńilletilgen kredit ajıratılıp, miyweli baǵlar shólkemlestiriwge járdem berildi.
Bul jumıslar aymaqta eksport potencialın arttırıwda da óz nátiyjesin kórsetpekte. Mısal ushın, 2025-jıl 27-may jaǵdayına bola, chereshnya - 13 mıń tonna 23,5 million dollarlıq, erik - 8 mıń tonna 6,5 million dollarlıq, keptirilgen erik (turshek) - 6,2 mıń tonna, 9,2 million dollarlıq ónim eksport etildi.
Sonday-aq,usı jıldıń fevral-may aylarında Quva, Ózbekstan hám Besharıq rayonları jáne Quvasay qalasındaǵı 236 shańaraqqa 11 mıń dana miyweli terek nálleri jetkerip berildi hám egildi.
Juwmaqlap aytqanda, Quva rayonında ámelge asırılıp atırǵan reformalar awıl xojalıǵın modernizaciyalaw, eksport potencialın arttırıw hám xalıqtıń abadanlıǵın támiyinlewde áhmietli orın ielemekte.
Bank Málimleme xızmeti
Qarañ da
"Milliy kiyimler kúni" Ferǵana wálayatı aymaqlıq basqarmasında!
Ol ázelden saltanat, gózzallıq hám bayram keypiyatı tımsalı bolıp kelgen.
MKBANKte korrupciyalıq jaǵdaylarǵa dus keldińiz be? Bizge "Tez xabar" beriń!
Sistemada korrupciya jaǵdayları hám nızamsız háreketler haqqında xabar beriw ushın baylanıs kanallarımız bar.
Qurban hayıtı bayramında jumıs tártibimiz
Dem alıs kúnleri "MAVRID" qosımshasınan 24/7 rejimde aralıqtan turıp paydalanıwıńız múmkin!
