Ózbekstanda hayal-qızlar isbilermenligin qollap-quwatlaw baǵdarındaǵı jumıslar Berlinde tán alındı

Berlin qalasında rásmiy sapar menen bolıp turǵan Ózbekstan delegaciyası Ózbekstan Respublikasınıń Germaniya Federativlik Respublikasındaǵı Elshixanasınıń baslaması menen shólkemlestirilgen "Hayal-qızlardıń jámiettegi roli: Ózbekstan-Germaniya isbilermen hayal-qızları ánjumanı"nda qatnastı.

Ánjumanda Ózbekstan Respublikasınıń Germaniyadaǵı Ayrıqsha hám Tolıq huqıqlı elshisi Dilshod Axatov, Ózbekstan Respublikası Prezidenti Administraciyasınıń Sırtqı baylanıslar departamenti Sırtqı siyasat hám sırtqı ekonomikalıq birge islesiwdi keńeytiwdi málimleme-tallaw támiynatı basqarmasınıń baslıǵı, Ózbekstan Sawda-sanaat palatası janındaǵı isbilermen hayal-qızlar Keńesiniń baslıǵı Nozima Davletova, "Mikrokreditbank" AKB Basqarma baslıǵınıń orınbasarı Shaxlo Ibragimova, "Hamroh" hayal-qızlar isbilermenligin qollap-quwatlaw kompaniyasınıń baslıǵı Dilfuza Nurmatova, Berlin federal úlkesi Ishki isler hám sport senatorı Iris Shpranger, "Sparkassenstiftung for International Cooperation" shólkeminiń Evropa hám Oraylıq O

Konferenciyada tómendegi temalarda qızǵın dodalawlar alıp barıldı:

"Sparkassenstiftung for International Cooperation" shólkeminiń Ózbekstandaǵı jumısı hám joybarları;

Ózbekstan hayal-qızlarınıń isbilermenlik baslamaların finanslıq qollap-quwatlaw;

• Hayal-qızlarǵa járdem hám másláhát beriw sistemaları;

"SES" shólkeminiń hayal isbilermenlerdi qollap-quwatlawdaǵı roli;

• Mádeniyat hám ekonomika arqalı hayal-qızlardıń belsendiligin arttırıw;

• Hayal ilimpazlardıń xalıqaralıq birge islesiwde qatnasıwı;

• Ózbekistanlı ónermentler ónimlerin Germaniya bazarına shigarıw jolları.

Ánjumanda shıǵıp sóylegen Shaxlo Ibragimova, Ózbekstanda hayal-qızlardıń ekonomikalıq belsendiligin arttırıw, isbilermenlikke tartıw hám biznes baslamaların finanslıq qollap-quwatlawǵa ayrıqsha itibar qaratılıp atırǵanın atap ótti:

- Prezidentimizdiń tapsırmalarına muwapıq, kommerciyalıq bankler, sonıń ishinde, Mikrokreditbank tárepinen hayal-qızlardıń biznes joybarların qollap-quwatlaw baǵdarında bir qatar áhmietli jumıslar ámelge asırılmaqta. Bıyılǵı 2025-jılı "Shańaraqlıq isbilermenlikti rawajlandırıw," "Kishi biznesti qollap-quwatlaw," "Hamroh" baǵdarlamaları, "Bizneske birinshi qádem," "Máhálle-biznes" hám "Meniń máhállem" sıyaqlı kreditler arqalı hayal-qızlar biznesi ushın 1 trillion 73 milliard sumlıq jeńilletilgen kreditler ajıratıldı. Bul arqalı 48 mıńnan aslam hayal-qızlar isbilermenlikke tartıldı. Jıldıń aqırına shekem bolsa jáne 1 trillion sumnan aslam jeńilletilgen kredit ajıratıw rejelestirilgen.

Ánjumanda Mikrokreditbank qarıydarı bolǵan isbilermen hayal-qızlardıń shıǵıp sóylegen sózleri ayrıqsha atap ótildi.

"Voris kashtashıları" JShJ baslıǵı Shaxnoza Sharipova Mikrokreditbank járdeminde erisken jetiskenlikleri haqqında aytıp, milliy ónermenchilik tarawın rawajlandırıwdaǵı imkaniyatlar menen qatnasıwshılardı ilhamlandırdı. Samarqandlı isbilermen Umida Baxriddinova bolsa germaniyalılardı óziniń ıqsham miymanxanasına mirát etip, regionallıq turizm potencialın kórsetti.

Ánjumanda eki mámleket isbilermen hayal-qızları arasında óz-ara birge islesiwdi jańa basqıshqa alıp shıǵıw, tájiriybe almasıw hám jańa qospa joybarlardı ámelge asırıw boyınsha kelisimlerge erisildi.

Ilaj juwmaǵında Mikrokreditbank, "Sparkassenstiftung for International Cooperation" hám "Hamroh" kompaniyası arasında birge islesiw memorandumına qol qoyıldı.

Sonday-aq, eki mámleket isbilermenleriniń óz-ara sayaxatların shólkemlestiriw, onlayn forumlar hám ónimler almasıwı sıyaqlı birgeliktegi baǵdarlamalardı ámelge asırıwǵa kelisip alındı.

Ózbekstan delegaciyasınıń Berlindegi rásmiy saparı dawam etpekte.

Bank Málimleme xızmeti