Gezektegi brifing shólkemlestirilmekte

Usı jıldıń 13-may kúni "Mikrokreditbank tárepinen xalıqtıń bántligin támiyinlew hám kámbaǵallıqtı qısqartıw boyınsha ámelge asırılıp atırǵan jumıslar" boyınsha brifing ótkerilmekte.

Búgin mámleketimizde xalıqtıń turmıs dárejesin arttırıw hám kámbaǵallıqtı azaytıw mámleketlik siyasattıń tiykarǵı baǵdarlarınan biri bolıp esaplanadı. Bul baǵdarda Prezidentimizdiń 2024-jıl 16-dekabrdegi videoselektor májilisinde bankler aldına bir qatar wazıypalar qoyıldı. Bul tapsırmalardı ámelge asırıw maqsetinde Mikrokreditbank tárepinen arnawlı ilajlar baǵdarlaması qabıl etildi.

Birinshi baǵdar - máhálle kesiminde islew sisteması.

Bank quramında arnawlı departament, aymaqlarda "máhálle sektorı" shólkemlestirildi. 1 121 máhállege 332 "máhálle bankiri" hám hár bir máhállede járdemshi agent biriktirildi. Olar arqalı xalıqtıń mútájliklerin úyreniw hám maqsetli finanslıq xızmetlerdi jetkeriw sisteması jolǵa qoyıldı.

Ekinshi baǵdar - kreditlew arqalı jedel qollap-quwatlaw.

Usı jıldıń ótken 4 ayında bank tárepinen jámi 3,6 trln sum kredit ajıratıldı. Onıń 1,8 trillion sumı tikkeley máhállelerdegi xalıq hám isbilermenlerge jetkerildi. "Shańaraqlıq isbilermenlik," "Bizneske birinshi qádem," "Máhálle joybarı" sıyaqlı baǵdarlamalar bul processtiń tiykarǵı tayanıshına aylandı.

Úshinshi áhmietli baǵdar - jumıs orınların jaratıw.

boyınsha yanvar-aprel aylarında banktiń járdeminde derlik 122 mıń xalıqtıń bántligi támiyinlendi, sonnan 76 mıńı isbilermenlikke tartıldı. Atap aytqanda, 18 mıńnan aslam mikrojoybar ámelge asırılıp, 38 mıńǵa shamalas jańa jumıs ornı jaratıldı.

Tórtinshi baǵdar - Bank qarıydarları menen ótkerilgen ushırasıwlar

Esap beriw dáwirinde bank qarıydarı bolǵan 17 mıń isbilermen menen 1 100 márte ushırasıw ótkerildi. Ushırasıwlarda kóterilgen múrájatlardıń 5 mıńnan aslamı unamlı sheshiliwi nátiyjesinde 6 mıńǵa shamalas jańa jumıs ornı jaratıldı.

Besinshi baǵdar - sociallıq baslamalar.

Buxara wálayatında kámbaǵal shańaraqlarǵa 900 million sumǵa shamalas qáwenderlik qarjıları esabınan shańaraqlardı ońlaw, sharwa malları, qoy hám quslar, qıytaq jerinde egin egiw ushın tuqım hám agrotexnikaǵa, tigiw mashinası, ıssıxana, mektep aymaǵında sport maydanshası (vork aut,) gózzallıq salonları shólkemlestirildi. Bunnan tısqarı, 53 máhálledegi 380 kámbaǵal shańaraqqa 10 mıń dana miyweli náller tarqatıldı.

Altınshı baǵdar - turizmdi rawajlandırıw.

Jaqında paydalanıwǵa tapsırılǵan Xorezm wálayatı Xiywa qalasındaǵı "Arda Xiywa" turistlik komplekslerinde bank tárepinen miymanxana, sawda kompleksleri qurıldı. Joybarlardı ámelge asırıw ushın tańlaw tiykarında jumıstı bólip alıp islewshi kárxanalar tartılıp, 185 mlrd sum investiciya kirgizildi.

Búgingi kúnde "Arda Xiywa" joybarında qurılıs jumısları juwmaqlanıp, paydalanıwǵa tapsırıldı, nátiyjede 300 den aslam jańa jumıs orınları jaratıldı.

Sonday-aq, Prezidentimizdiń 2024-jıl 29-noyabrdegi PQ-410-sanlı qararına tiykarlanıp, Xiywa qalasındaǵı "Tórt Sháwbez" mádeniy miyras obektine tutas 6,2 gektar jer maydanında Ónermentler orayın qurıw belgilengen. Bul joybardı qarjılandırıw maqsetinde "MKB Kasana Invest Group" JShJ ustav kapitalına jáne 435 mlrd sum investiciya kirgiziw belgilengen.

Keyingi baǵdar - úlgi joybarlar sheńberinde xalıqqa ijaraǵa berilgen 1 741 gektar jerde "Bir kontur - bir ónim" tiykarında diyqanshılıq ushın 159 joybarǵa 2,2 m.Bank Axborot xizmati