"Mikrokreditbank" AKB tárepinen korrupciyaǵa qarsı gúresiw baǵdarında ámelge asırılıp atırǵan jumıslar boyınsha brifing shólkemlestirildi

Usı jıldıń 30-yanvar kúni "Mikrokreditbank" akcionerlik-kommerciyalıq banki Málimleme xızmetiniń baslıǵı tárepinen korrupciyaǵa qarsı gúresiw baǵdarında bankte ámelge asırılıp atırǵan jumıslar haqqında jámiechilikke maǵlıwmat beriw ushın brifing shólkemlestirildi.

Esap beriw dáwirinde bank bul baǵdardaǵı óz jumısın Ózbekstan Respublikası Korrupciyaǵa qarsı gúresiw agentligi menen birgelikte alıp barmaqta hám bank strukturasında korrupciyanı saplastırıw ushın xalıqaralıq korrupciyaǵa qarsı gúresiw sisteması standartların engiziwge itibar qaratılıp kelinbekte. Atap aytqanda, bankte korrupciyanıń aldın alıw hám mápler soqlıǵısıwın basqarıwǵa baylanıslı bir qatar wazıypalar ámelge asırıldı.

Nátiyjede 2024-jılı bank korrupciyaǵa qarsı gúresiw xalıqaralıq standartların engiziw maqsetinde ISO 37001:2016 "Korrupciyaǵa qarsı gúresiwdi basqarıw sisteması - talaplar hám qollanıw boyınsha kórsetpeler" xalıqaralıq sertifikatına ie boldı.

Korrupciyaǵa qarsı oqıtıw jumısları rejesine muwapıq, banktiń bas ofisi hám aymaqlıq bólim xızmetkerleriniń qatnasıwında, Ózbekstan Respublikası Ádillik ministrligi xızmetkerleri, sonday-aq, Ministrlik janındaǵı YUristlerdiń mamanlıǵın arttırıw orayı tárepinen "Bank sistemasında korrupciyaǵa qarsı gúresiwdiń huqıqıy tiykarları" atamasında oqıw seminarı shólkemlestirildi.

Ózbekstan Respublikasınıń 2024-jıl 5-iyundaǵı "Mápler soqlıǵısıwı haqqında"ǵı Nızamınıń orınlanıwın támiyinlew maqsetinde, bank Basqarması tárepinen zárúr ilajlar islep shıǵıldı hám sistemalı wazıypalar ámelge asırıldı.

Sonday-aq, korrupciyaǵa qarsı gúresiw sisteması boyınsha xızmetkerlerdiń kónlikpelerin qáliplestiriw sheńberinde barlıq wálayat aymaqlıq basqarmalarında huqıq qorǵaw uyımları menen birgelikte "Mápler soqlıǵısıwın basqarıw" hám "Korrupciya - rawajlanıw dushpanı" temalarında oqıw seminarları ótkerildi.

Bunnan tısqarı, turaqlı túrde banktiń Bas ofisi hám barlıq strukturalıq bólimleriniń xızmetkerleriniń qatnasıwında komplaens qadaǵalaw xızmetkerleri tárepinen oflayn hám onlayn tárizde "Korrupciyaǵa qarsı gúresiwdiń huqıqıy tiykarları," Ózbekstan Respublikasınıń "Mápler soqlıǵısıwı haqqında"ǵı hám Ózbekstan Respublikasınıń "Korrupciyaǵa qarsı gúresiw haqqında"ǵı nızamlarınıń mazmun-mánisi hám áhmieti haqqında dógerek sáwbetleri hám oqıw seminarları shólkemlestirilmekte.

Sonday-aq, xızmetkerlerde mápler soqlıǵısıwınıń aldın alıw boyınsha bilim hám kónlikpelerin qáliplestiriw ushın banktiń onlayn MKB TRAINING ACADEMY oqıw platformasında "Korrupcioner kim?" hám "Mápler soqlıǵısıwı" haqqındaǵı oqıw kursı jaylastırıldı.

Bunnan tısqarı, bank tárepinen ISO 37001:2016 Xalıqaralıq standartı tiykarında "Para alıw - beriwge qarsı gúresiw menedjmenti sistemaları" temasında tayarlanǵan hám 2000 nusqada basıp shıǵarılǵan oqıw qollanba jáne mápler soqlıǵısıwınıń aldın alıw temasında 3600 nusqada basıp shıǵarılǵan buklet banktiń barlıq aymaqlıq basqarmalarına jetkerildi.

Xızmetkerlerdiń huqıqıy sanasın arttırıw hám bilim dárejesin xalıqaralıq tájiriybege beyimlestiriw maqsetinde 16 bank xızmetkeri xalıqaralıq (ISO 37301:2021) menedjment sisteması boyınsha qánigeligin arttırdı hám sertifikatqa ie boldı.

Bankke jańadan jumısqa qabıl etilgen 564 xızmetkerge arnawlı qollanba tiykarında korrupciyanıń aldın alıw hám mápler soqlıǵısıwına jol qoymaw, júz beriwi múmkin bolǵan huqıqbuzarlıqlardıń huqıqıy aqıbetleri boyınsha oqıw sabaqları ótkerildi.

Sonday-aq, esap beriw dáwirinde kompleans qadaǵalaw xızmetkerleri tárepinen bankke jumısqa kirmekshi bolǵan 1200 ge shamalas talaban úyrenilip, 225 jaǵdayda mápler soqlıǵısıwınıń payda bolıw qáwpi bar ekenligi hám basqa da sebeplerge bola biykarlaw juwabı berildi. 

Bankte korrupciyalıq jaǵdaylar hám mápler soqlıǵısıwı júzege kelgende yamasa gúwa bolǵanda múrájat etiw ushın mólsherlengen baylanıs kanalları, yaǵnıy elektron pochta (mkbanticor@mkb.uz), rásmiy veb-sayt (www.mkbank.uz), telegram bot (@mkbanticor_bot), isenim telefonı +998-555037711 shólkemlestirilgen bolıp, bul baylanıs kanalları arqalı ótken jılı jámi 200 ge shamalas múrájat kelip túsken.

Bul múrájatlardıń barlıǵı juwapker strukturalıq bólimler tárepinen úyrenilip, nátiyjesi haqqında múrájat ielerine tiyisli tártipte juwap berilgen.

Brifingte bıyıl da Mikrokreditbank tárepinen korrupciyaǵa qarsı gúresiw baǵdarındaǵı jumıslar sistemalı túrde dawam ettiriletuǵını málim etildi.

Bank Málimleme xızmeti