MKBANK tárepinen "2024-jılda ámelge asırılǵan jumıslardıń juwmaǵı hám 2025-jıl ushın belgilengen tiykarǵı wazıypalar" atamasında baspasóz konferenciyası ótkerildi.

Usı jıldıń 24-fevral kúni Ózbekstan Milliy baspasóz orayında "Mikrokreditbank" akcionerlik kommerciyalıq banki tárepinen 2024-jılı ámelge asırılǵan jumıslardıń nátiyjeliligi hám 2025-jıl ushın belgilengen tiykarǵı wazıypalar" atamasında baspasóz konferenciyası bolıp ótti. Onda Basqarma baslıǵınıń orınbasarı Sh.Ibragimova, tiyisli departament basshıları, ǴXQ wákilleri, blogerler hám ekonomikalıq analitikler qatnastı.

Bank tárepinen ótken 2024-jılı 7 trln. sumnan aslam kreditler ajıratıldı. Sonnan, 1,9 trln. sumlıq investiciyalıq joybarlar ámelge asırıldı, 2,4 trln. sumlıq kreditler shańaraqlıq isbilermenlikti rawajlandırıw baǵdarlaması arqalı qarjılandırıldı, 2 trln. sum kishi biznes subektlerin qollap-quwatlawǵa qaratıldı hám 1,5 trln. sumlıq mikrofinanslıq xızmetler kórsetildi.

Nátiyjede bankke biriktirilgen 1 230 máhállede olardıń rawajlanıw drayverlerine tiykarlanıp jámi 232,7 mıń xalıqtıń bántligi támiyinlendi, olardıń 113,7 mıńı turaqlı jumısqa jaylastırıldı.

Atap aytqanda, "Sayxunabad" tájiriybesi tiykarında shańaraq kesiminde islesiw arqalı 7 273 shańaraqqa 136,5 milliard sumlıq "finanslıq paket"ler jaylastırıldı.

Sonıń menen birge, 1,2 trln. sum bank krediti esabınan 42 048 mikrojoybarlar ámelge asırılıp, 73,1 mıń jumıs ornı jaratıldı.

"Úyshi" tájiriybesi tiykarında 996 ushırasıwda kóterilgen 8,3 mıń múrájatlardıń sheshiliwi nátiyjesinde 31,4 mıń jumıs orınları jaratıldı.

2024-jılı Bank tárepinen xalıqaralıq finans institutlarınan 124 mln. dollar resurs alıp kelindi, xalıq hám isbilermenlerden 1,1 trln. sum depozit, 609 mlrd. sum amanat tartıldı.

Sonday-aq, hayal-qızlar isbilermenligin finanslıq qollap-quwatlaw baǵdarında 2024-jılı bank tárepinen 89 592 hayal-qızlardıń biznesin qarjılandırıw ushın 1 trillion 604 milliard sum jeńilletilgen kreditler qaratıldı hám 92 200 hayal-qızlardıń bántligi támiyinlendi.

Shańaraqlıq isbilermenlikti rawajlandırıw baǵdarlaması sheńberinde xalıqtı isbilermenlikke tartıw hám bántligin támiyinlew ushın jámi 2 trillion 397 milliard sum kreditler ajıratıldı.

Bul kreditlerdiń 1 trillion 196 milliard sumı yamasa 50 procenti 78 836 hayal-qızlardıń baslamaların jeńilletilgen shártlerde qarjılandırıwǵa qaratıldı.

Sonıń menen birge, PQ-122-sanlı qarar tiykarında 19 370 hayal-qızlarǵa 2024-jılı 253,2 mlrd sum kreditler ajıratıp berildi.

Bank 2025-jılǵı wazıypaların Prezidentimizdiń 2024-jıl 16-dekabr kúni videoselektor májilisinde kommerciyalıq bankler aldına qoyǵan tiykarǵı wazıypalar hám tapsırmaları sheńberinde shólkemlestirmekte.

Sonıń ishinde, Bas bankte máhálle kesiminde islesiw boyınsha óz aldına departament, aymaqlıq basqarmalarda bólimler hám BXO, BXMlarda máhálle sektorları shólkemlestirildi. Bankke biriktirilgen 1 121 máhállege jańa sistema tiykarında 332 "máhálle bankirleri" shtatı ashılıp, maman hám intaker xızmetkerler menen tolıqtırıldı.

Máhálle sektorları, máhálle bankirleri hám járdemshi agentleri tárepinen usı jılı Kishi hám orta bizneske 5,4 trillion sum hám baǵdarlamalar sheńberinde 2,9 trillion sum kredit ajıratıw belgilengen.

Sonnan, PQ-312-sanlı qarar sheńberinde 1 trillion sum, "Bizneske birinshi qádem" sheńberinde 315 milliard sum, Shańaraqlıq isbilermenlik baǵdarlaması sheńberinde 1,5 trillion sum, Hamroh baǵdarlaması sheńberinde 57 milliard sum qarjı ajıratıladı.

Bank tárepinen 2025-jılı barlıq imkaniyatlardı iske qosıw arqalı 320 mıń adamnıń bántligi támiyinlenedi, olardıń 131 mıńı turaqlı dáramatlı jumısqa jaylastırılsa, 189 mıńı isbilermenlikke tartıladı.

Bunıń ushın barlıq dárekler esabınan 7,7 trillion sumlıq kreditler ajıratıladı.

Kredit qarjılarınıń tiykarǵı bólegi, yaǵnıy keminde 50 procenti kishi biznes subektlerine baǵdarlanadı. Bul maqsetke erisiw ushın usı jılı xalıqaralıq finans institutlarınan 260 million dollar qarjı tartıw rejelestirilgen. Bul qarjılardıń 50 million dolları "finanslıq ǵalabalıq" baǵdarlaması sheńberinde mikrojoybarlardı qarjılandırıwǵa baǵdarlanadı.

Xalıqqa ijaraǵa berilgen 1 756 gektar jer maydanlarında "Bir kontur - bir ónim" principi tiykarında 160 úlgi joybarlardı ámelge asırıw rejelestirilgen. Bul maqset ushın 160 agregator tańlap alındı.

Dáslepki egin sıpatında 5 400 xalıq kooperativlerge aǵza bolǵan.palız hám ovosh jetistiriw ushın agregatorlardıń 3,8 mlrd sum kreditke talabı anıqlandı.

"Super joybar" sheńberinde "etiw - qayta islew - satıw" shınjırın jaratıw ushın 105 gektar jer maydanında 7 úlgi joybar qáliplestirildi.

Mısal ushın, Qaraqalpaqstan Respublikası, Shımbay rayonı, "Tazǵara" APJda jaslarǵa 15 gektar jer maydanı ijaraǵa berildi. Birinshi eginde - pomidor, ekinshi eginde - kók shópler egiliwi rejelestirilgen.

YAnvar-fevral aylarında "Úyshi" tájiriybesi tiykarında bank qarıydarları menen ótkerilgen ushırasıwlar nátiyjesinde 5 857 isbilermen menen 482 márte ushırasıw ótkerilip, onda kóterilgen 2 118 múrájat unamlı sheshiliwi nátiyjesinde 2 188 jańa jumıs ornı jaratıldı.

Sonıń ishinde, 1 823 ine 63 mlrd sum kredit ajıratıldı, 8 iniń 20 mlrd sumlıq kredit qarızdarlıǵınıń múddeti sozdırıldı, 287 basqa da máseleler sheshildi.

Mikrokreditbank jámááti elimizde kishi biznes, jeke menshik hám isbilermenlikti rawajlandırıw, ónermenchilik hám jumıstı úyge alıp islewdi qollap-quwatlaw jolı menen jańa jumıs orınların jaratıw, ásirese, awıllıq jerlerde mikrofinanslıq xızmetlerdi keńeytiw baǵdarındaǵı jumısın dawam ettiredi.

                                                                     Bank Málimleme xızmeti