Tashkent wálayatına gezektegi press-tur shólkemlestirildi

Búgingi kúnde mámleketimizde qusshılıqqa úlken itibar qaratılmaqta. Sebebi, áyne qusshılıq xalıqtı azıq-awqat ónimleri menen támiyinlewde tiykarǵı áhmietke ie bolıp, awıllarda adamlardıń jumıs penen bánt bolıwına úles qosadı.

Xabarıńız bar, Ózbekstan Respublikası Prezidentiniń 2025-jıl 30-yanvardaǵı PQ-34-sanlı "Sharwashılıq hám qusshılıqtı qollap-quwatlaw, tarawda joqarı qosımsha qun jaratıw boyınsha qosımsha ilajlar haqqında"ǵı qararına bola, Qusshılıq tarawında xalıqtıń shańaraqları menen kooperaciya tiykarında islew sistemasın qarjılandırıw ushın Tikleniw hám rawajlanıw qorınıń 50 million AQSh dolları muǵdarındaǵı qarjıları "Mikrokreditbank" AKBnıń ustav kapitalın arttırıwǵa baǵdarlanǵan bolıp, házirgi waqıtta usı qarjılar esabınan respublikanıń barlıq aymaqlarında qusshılıqtıń gósh hám máek baǵdarında kooperaciya sisteması tiykarında 1 million xalıqtı jumıs penen támiyinlew boyınsha "Qus baǵıw - dáramat tabıw" joybarın ámelge asırıw belgilengen.

Bul joybar xalıqtıń bántligin támiyinlew maqsetinde kem quwatlılıqta islep atırǵan kárxanalardı finanslıq salamatlandırıw, kommerciyalıq banklerdiń balansındaǵı xojalıqlardı potenciallı iri kárxanalarǵa biriktiriw, óndiris hám qayta islew tarmaqları arasında kooperaciya sistemasın shólkemlestiriw jáne jańa joybarlardı iske qosıw esabınan ámelge asırılıwı názerde tutılmaqta.

Bul kredit qarjıları kooperaciya sisteması tiykarında qusshılıq joybarların ámelge asırıw baslamasın kórsetken xojalıq subektlerine ajıratıladı.

Qarardıń orınlanıwı hám usı baǵdardaǵı kárxanalardıń jumısın keńnen sáwlelendiriw maqsetinde usı jıldıń 25-mart kúni bank tárepinen qarjılandırılǵan Tashkent wálayatındaǵı "Umid" juwapkershiligi sheklengen jámietine bir topar ǴXQ wákilleriniń qatnasıwında press-tur shólkemlestirildi. Press-tur dawamında qatnasıwshılar kárxanada qusshılıq ónimlerin islep shıǵarıw procesi menen jaqınnan tanıstı.

Kárxananıń YAngiywl rayonı Bozsuw máhállesinde jaylasqan 56 qus baǵıw imaratlarında (jıllıq quwatlılıǵı 7,5 million bas broyler) jılına 9 mıń tonna qus góshin jetistiriw hám ishki bazarlarǵa jetkerip beriw quwatlılıqları bar.

Sonday-aq, 1 azıqlıq islep shıǵarıw kompleksinde jılına 12,5 mıń tonna azıqlıq islep shıǵarıladı. 1 tawıq soyıw kompleksinde bolsa saatına 4 mıń bas qus soyıladı. Kárxanadaǵı 1 muzlatqısh 1,2 mıń tonnaǵa shekem ónimdi ózinde saqlaydı.

Bunnan tısqarı, kárxanada 157 mıń bas násilli qustı baǵıw quwatlılıǵı bar bolıp, jılına 19 mln dana inkubaciyalıq máek hám 12 mln bas.

1 kúnlik broyler shójeler jetistiriw quwatlılıǵına iye.

Kárxananıń qusshılıq jumısın rawajlandırıw joybarına "Mikrokreditbank" AKB tárepinen 75 mlrd sum muǵdarında kredit ajıratılǵan.

Qarardıń orınlanıwın támiyinlew maqsetinde kárxana tárepinen wálayattaǵı bos turǵan hám tómen quwatlıqta jumıs alıp barıp atırǵan qusshılıq xojalıqları menen kooperaciya tiykarında qus baǵıw jolǵa qoyılmaqta.

Eń áhmietlisi, bul kárxanada házir 100 jańa jumıs orınları jaratıldı.

Maǵlıwmat ushın, "Mikrokreditbank" AKB tárepinen usı jıldıń basınan berli isbilermenlik subektleriniń investiciyalıq joybarların qarjılandırıw ushın 8 joybarǵa jámi 63 mlrd sumnan artıq kredit qarjıları ajıratıp berildi. 2025-jılı 10,4 milliard dana (103,8 procent) máek hám 850 mıń tonna (105,3 procent) tiri salmaqta qus góshin jetistiriw rejelestirilgen.

                                                                       Bank Málimleme xızmeti