Belgili ádebiyattanıwshı Ózbekstan qaharmanı Ozod Sharafiddinov perzentleriniń tárbiyasınan nalıp másláhát sorap kelgen adamǵa: "Perzentlerińizdiń qolına kitap uslatıń. Kitap olarǵa ómirdi, turmıstıń qıyınshılıqlarına shıdawdı, sabırdı hám qanaatlılıqtı úyretedi" degen eken.
Haqıyqatında da, insan ruwxıylıǵın arttıratuǵın, sóz baylıǵın tolıqtırıp baratuǵın eń áhmietlisi, durıs joldı kórsetetuǵın eń jaqın dos bul kitap bolıp esaplanadı.
Mámleketimiz basshısı "Kitapsız rawajlanıwǵa, joqarı mánawiyatqa erisip bolmaydı. Dúnyadaǵı hár bir mámleket, hár bir millet birinshi gezekte óziniń intellektuallıq potencialı, joqarı mánawiyatı menen qúdiretli. Bunday jeńilmes kúsh dáregi bolsa, bárinen burın, adamzat oy-pikiriniń ullı oylap tabılıwı - kitap hám kitapxanalarda, - dep biykarǵa atap ótilmegen.
Búgin "Mikrokreditbank" AKB baslaması menen paytaxtımızdaǵı bir qatar máhállelerde ıqsham hám kórkem kitapxanalar shólkemlestirilip, paydalanıwǵa tapsırılmaqta. Olardan biri paytaxtımızdaǵı YAngi hayot rayonı "Olchazor" máhállesinde jańadan shólkemlestirilgen kitapxana bolıp esaplanadı.
Bul aǵartıwshılıq orayında ózbek hám jáhán ádebiyatınıń biybaha shıǵarmaları, ekonomikalıq kitaplar, balalar ádebiyatı hám hár qıylı janrlarda basıp shıǵarılǵan ádebiyatlar, ruwxıy-aǵartıwshılıq hám tárbiyalıq áhmietke ie jámi 2 mıńǵa shamalas kitaplar orın alǵan bolıp, bul mánawiyat orayı máhálle xalqı ushın kútilmegen sawǵa boldı. Sonday-aq, kitapxanada shaxmat oynawǵa qızıǵıwshılar ushın da óz aldına orın tayarlanǵan.
Bul kitapxananıń ashılıwı jasqa da, jası úlkenge de haqıyqıy quwanısh baǵıshlaydı, desek aljaspaymız. Sebebi endi tek ǵana jaslar emes, al kekse áwlad ta bos waqtın mine usı aǵartıwshılıq dárgayında ótkeriwi múmkin.
2024-jıl 1-mart jaǵdayına bola, "Olchazor" máhállesinde 5287 xalıq, sonıń ishinde, 2 544 jas, 2 541 hayal-qızlar jasaydı.
Jáne bir kitapxana Almazar rayonındaǵı "Xancharboǵ" máhállesinde de eń jańa kitaplar menen bayıtılǵan halda shólkemlestirildi.
Bul jerdegi kitapxanada da máhálledegi hár qıylı taraw hám qatlam wákilleri ózleri ushın zárúr kitaplardı tabıwı, sonday-aq, shaxmatqa qızıǵıwshılar shaxmat oynawı múmkin. Jaslar hám kekselerdi bir jerge jámleytuǵın qolaylı mákanda házirgi waqıtta 1,5 mıńnan aslam kórkem hám awdarma ádebiyatlar, ertek kitaplar, hár qıylı enciklopediya hám elimizdiń tariyxına baylanıslı kitaplar bar.
Mikrokreditbankke biriktirilgen jáne bir aymaq - Chilanzar rayonındaǵı 5000 nan aslam xalıq jasaytuǵın "Sharq" máhállesi bolıp, ol jerde de zamanagóy hám ıqsham kitapxana shólkemlestirildi. Mıńnan aslam kórkem hám awdarma ádebiyatlar, ekonomikalıq hám motivaciyalıq kitaplar, balalar ádebiyatı hám elimiz tariyxına baylanıslı kitaplar máhálle xalqı ushın ájayıp sawǵa boldı. Bul máhállede de shaxmatqa qızıǵıwshılar ushın shaxmat oynawına sharayat jaratıldı.
Ásirese, usı máhállede jasaytuǵın, kitapqa ayrıqsha mehir qoyǵan Dilnoza Alieva biraz waqıttan berli jumıssız bolıp, búgin bul kitapxananıń ashılǵanınan oǵada quwanıshlı ekenin hám súyikli jumısı menen shuǵıllanatuǵının jasırmadı.
Itibarlı tárepi sonda, máhállelerdegi bunday kórkem kitapxanalardıń shólkemlestiriliwi tek ǵana xalıq arasında kitapqumarlıq mádeniyatın arttırıwǵa emes, al usı aymaqta jańa jumıs orınlarınıń jaratılıwına xızmet etedi.
Mikrokreditbank bolsa bunday iygilikli jumıslarda bárqulla xalqımızǵa kamarbasta bolıwǵa háreket etedi.
Bank Málimleme xızmeti
Qarañ da
Sportta múnásipler sıylıqlandı!
Búgin usı sınaqlarda jeńimpazlıqtı qolǵa kirgizgen xızmetkerler Bank basshıları tárepinen Sport ministrliginiń estelik sawǵaları hám kókirek belgileri menen sıylıqlandı.
MKBANKte Ózbek tili bayramı keńnen belgilendi
Sonday-aq, ilaj dawamında xızmetkerler arasında diktantlar tańlawı da ótkerildi.
"Mikrokreditbank" hám "Biznesti rawajlandırıw banki" arasındaǵı 3-tur oyınında teń nátiyje dizimge alındı.
Play-offta MKBANK jigitlerine Trastbank komandası qarsılas boladı.
