Ólshemli altın quymalar haqqındaǵı maǵlıwmat
Xalıqtıń investiciya hám toplaw imkaniyatların keńeytiw, sonday-aq, qımbat bahalı metallar aylanısın rawajlandırıw maqsetinde Ózbekstan Respublikası Oraylıq banki ólshemli altın quymalardı kommerciyalıq bankler arqalı satıwǵa shıǵarmaqta.
Awırlıǵı 5, 10, 20 hám 50 gramm bolǵan, 999,9 tazalıqtaǵı altınnan tayarlanǵan quymalar arnawlı qorǵaw qadaqlarında satıw ushın usınıladı. Altın quymalardıń qadaǵı sertifikat wazıypasın atqaradı hám óz seriya nomerine iye boladı.
Altın quymalardı satıw hám qayta satıp alıw bahaları altınnıń jáhán bazarındaǵı bahası hám Oraylıq bank tárepinen belgilengen marja yamasa shegirme tiykarında qáliplesedi hám hár kúni Oraylıq banktiń veb-saytında milliy valyutada járiyalanıp barıladı.
Maǵlıwmat ushın: Marja hám shegirme muǵdarları ólshemli quymalardıń aylanısqa shıǵarılıwı hám aylanısı menen baylanıslı operaciyalıq qárejetlerdi esapqa alǵan halda belgilenedi.
Qadaqları pútin altın quymalar sawda shaqapshalarında kommerciyalıq bank tárepinen quyma iyesine tólemdi dárhal ámelge asırıw arqalı qaytarıp satıp alınadı.
Qadaǵı buzılǵan yamasa texnikalıq talaplarǵa juwap bermeytuǵın altın quymalardı qaytarıp satıp alıw olardı texnikalıq ekspertizadan ótkeriw arqalı ámelge asırıw hám ekspertiza ótkerilgennen soń tólem tólep beriledi.
Qadaǵı pútin halındaǵı altın quymalardı Ózbekstan Respublikası aymaǵınan sırtqa alıp shıǵıwǵa ruxsat beriledi.
Ólshemli altın quymalar hám olardıń arnawlı qorǵaw qadaqlarınıń úlgileri
Altın quymalar 5, 10, 20 hám 50 gramm awırlıqlarda hám hasıl dárejesi 999,9 bolǵan altınnan tayarlanǵan.
Altın quymalar Italiyanıń "Certiline Srl." kompaniyası menen birgelikte islep shıǵılǵan arnawlı qadaqlarda aylanısqa shıǵarıladı.
Altın quyma hám onıń qadaǵı birdey seriya nomerine iye. Pakette 3 túrdegi qorǵaw elementleri bar:
Ólshemli altın quymalardı satıw hám qayta satıp alıw shaqapshaları
| № | Xudud | Filial atı | Filial mánzili | Telefon |
|---|---|---|---|---|
| 1. |
Buxara wálayatı (Buxara qalası) |
Buxara filialı |
200104, Buxara wálayatı, Buxara qalası, "Nizomiy Ganjaviy" MPJ, Hamza kóshesi, 6-jay |
65 223-00-27 |
| 2. |
Buxara wálayatı (Ǵijduwan) |
Ǵijduwan rayonı |
200500, Buxara wálayatı, Ǵijduwan rayonı, "Pamoza" MPJ, B.Naqshband kóshesi, nomersiz jay |
65-572-17-90 |
| 3. |
Nawayı wálayatı (Karmana) |
Karmana filialı |
210600, Nawayı wálayatı, Karmana rayonı, "Ziyokor" MPJ, Karmana kóshesi, 28-jay |
79-523-22-78 |
| 4. |
Xorezm wálayatı (Xiywa qalası) |
Xiywa filialı |
220900, Xorezm wálayatı, Xiywa rayonı, Xiywa qalası, K.Devoniy kóshesi, 52-A jay |
1285 (3960) |
