«Mikrokreditbank» akcionerlik-kommerciyalıq banki Ózbekstan Respublikası Prezidentiniń 2006-jıl 5-maydaǵı «Mikrokreditbank» akcionerlik-kommerciyalıq bankin shólkemlestiriw haqqında»ǵı PF-3750-sanlı Pármanı tiykarında shólkemlestirildi.
Bank xalıqaralıq finans institutları hám sırt el kommerciyalıq bankleri menen birge islesiw baylanısların ornatqan. Olardıń qatarında, Jáhán banki, Jeke menshik sektordı rawajlandırıw Islam korporaciyası, Aziya bankirler associaciyası, Awıl xojalıǵın rawajlandırıw xalıqaralıq fondı, Germaniya qor kassaları fondı sıyaqlı shólkemler bar.
Házirgi kúnde bank «BB-» dárejesindegi «Fitch Ratings Ltd.» shólkeminiń reytingine iye. Reyting bahası – «Turaqlı» bolıp, ol aktivlerdiń sapasınıń qanaatlandırarlı dárejede ekenligin, dáramattıń jaqsılıǵın, likvidlik hám kapital jeterlilik dárejesiniń talaplarǵa sáykes ekenligin ózinde sáwlelendiredi.
Joqarı shólkemler atı
- Ózbekstan Respublikası Ministrler Kabineti
- Ózbekstan Respublikası Finans ministrligi (www.mf.uz)
- Ózbekstan Respublikası Oraylıq banki (www.cbu.uz)
Bank missiyası
Kishi biznes, jeke isbilermenlikti rawajlandırıw, jeke tártiptegi miynet iskerligin, kem támiyinlengenlerdi qollap-quwatlaw, ónermenchilik hám jumıstı úyge alıp islewdi jedellestiriw jolı menen jańa jumıs orınların jaratıw, ásirese, awıllıq jerlerde xalıqtıń keń qatlamlarınıń mikrofinanslıq xızmetlerden paydalanıwın támiyinlew ushın finanslıq qarjılar beriw.
Bank strategiyası
- Materiallıq infrastrukturanı rawajlandırıw
- Strategiyalıq birge islesiwdi rawajlandırıw
- ITdi qollanıwdı jetilistiriw
- Rawajlanǵan mámleketler bank sisteması hám ónimlerin úyreniw jáne engiziw
Banktiń «Sıpat basqarıw sisteması»ndaǵı tiykarǵı maqset hám tiykarǵı baǵdarları tómendegiler bolıp esaplanadı:
- Jańa bank xızmetlerin engiziw
- Bank infrastrukturasın jetilistiriw
- Xızmet kórsetiw punktlerin kóbeytiw
- Bank iskerligin avtomatlastırıw
- Ózbekstan Respublikasında ekonomikanı qollap-quwatlaw
- Xızmetkerlerdiń mamanlıǵın arttırıw
AKB "Mikrokreditbank" Basqarması tómendegilerdi óz moynına aladı:
- Banktiń barlıq xızmetkerleri tárepinen ISO 9001:2015 sapa basqarıw xalıqaralıq standartı talapların orınlaw, nızamshılıq talapları hámde tutınıwshı tárepinen qoyılǵan talaplardıń orınlanıwın támiyinlew, qoyılǵan wazıypalardı orınlawda zárúr bolatuǵın barlıq resurslar menen támiyinlew
- Hár bir jumısshı-xızmetker hám basshılıqta sapa ushın juwapkershilik principin júzege shıǵarıw, shaxstıń aldına qoyılǵan maqset hám wazıypalardı ámelge asırıwda óz úlesin qosıwǵa shaqırıw
- Xalıqaralıq standartlarǵa muwapıq kórsetiletuǵın xızmetlerdiń sapasın asıra alatuǵın qábiletke iye bolǵan jámáátti dúziw
- Ótkerilgen ilajlar nátiyjesine bola bir jılda bir márte usı sapa baǵdarındaǵı sistemanı tallaw, siyasattı qayta kórip shıǵıw, sonday-aq, sapa sistemasın jaqsılawda tiyisli wazıypalardı turaqlı orınlaw
AKB «Mikrokreditbank» Sapanı basqarıw sertifikatı:
Formatı: docx
