MoneyGram - bul operativ xalıqaralıq pul ótkermeleri sisteması esaplanadı. MoneyGram kompaniyası esap betin ashpastan dúnya boylap pul ótkermelerin ámelge asırıp, dúnyanıń 190 mámleketindegi 227 000 nan aslam qarıydarlarǵa xızmet kórsetiw shaqapshaların birlestiredi. Bul sistema dúnya mámleketlerin qamtıp alıwı hám xızmet kórsetiw shaqapshalarınıń sanı boyınsha dúnyada ekinshi orında turadı. MoneyGram - bul, pullardı tez hám ańsat ótkeriw xızmeti bolıp, bárqulla xızmetke tayar turadı.
Ózbekstanda MoneyGram pul ótkermeleri menen tómendegi bankler jumıs alıp baradı: Jipek jolı banki, kapitalbank, Xamkorbank, Invest Finance Bank, Turonbank, Awıl qurılıs banki, Hi-Tech Bank.
2004-jıldan baslap MoneyGram kompaniyasınıń iyesi bolip Viad Corp. hám Travelers Express Company Inc. Kompaniyaları esaplanadı. Búgingi kúnde MoneyGram - Amerikadaǵı ǵárezsiz kompaniya bolıp, onıń akciyaları Nyu-York fond birjasında satıladı.
Evropada bolsa MoneyGram sherikleri bolıp Ullı Britaniya hám Norvegiya Patshalıq pochtası, Italiya pochtası, Bank of Ireland, Banco Popular Espanol, Kocbank, Finansbank hám basqa da kóplegen finanslıq shólkemler esaplanadı.
ǴMDA mámleketlerinde MoneyGram xalıqaralıq pul ótkermeleri sisteması 1996-jıldan berli jumıs alıp barmaqta hám búgingi kúnde Rossiya, Ázerbayjan, Armeniya, Gruziya, Qazaqstan, Qırǵızstan, Moldova, Tájikstan, Ózbekstan, Ukraina sıyaqlı derlik barlıq respublikalardı qamtıp alıp, bul mámleketlerde 7000 nan aslam xızmet kórsetiw shaqapshaların óz ishine aladı.
Mannigramma - pul ótkermesinin ózi usılay ataladı. Birinshi Manigramma 1940-jılı Minneapoliste (AQSH) jiberilgen edi. MoneyGram kompaniyasınıń ózi kúni-túni háptede hár kúni isleydi, sonıń ushın pul ótkeriw waqtı tek ǵana 10 minuttı quraydı. Biraq, manigrammanı jiberip atırǵan waqıtta bárqulla sonı este saqlaw kerek, pul ótkeriw tezligi bárqulla óz dúzetiwlerin kirgizedi, hár qıylı mámleketler hám kontinentler boyınsha waqıt poyası hár qıylı bolsa, MoneyGram kompaniyası ofisleri, sherikleriniń bólimleri hám banklerdiń jumıs waqtı da hár qıylı boladı. Manigrammanı pul alıwshı ushın 10 sózge shekem kólemdegi biypul tekstli xabar menen jiberiw múmkin. Pul alıwshı ushın da bul xabarnama biypul boladı.
Pul ótkeriw boyınsha MoneyGram xızmetleri tek ǵana fizikalıq shaxslar ushın kórsetiledi. MoneyGram sisteması boyınsha pul ótkermelerinen hám bank qarıydarları, hám bank esap betine ie bolmaǵan insanlar paydalanıwı múmkin. Sonday sharayatlar boladı, MoneyGram xızmetlerinen paydalanıw júdá zárúr bolıp qaladı:
- kimdur sırt elde miynet etkende hám turaqlı túrde óz jaqınlarına pul ótkerip turǵanda;
- eger siziń perzentlerińiz sırt elde bilim alsa yaki ol jerde óz dem alısın ótkerse hám olardıń oqıwına yaki ol jerde jasawına pul tólew kerek bolsa;
- basqa mámlekettegi jaqınlarıńız, doslarıńız, xızmetkerlerińizge tez materiallıq járdem kórsetiw kerek bolǵanda;
- turistlerge qandayda bir názerde tutılmaǵan waqıya-hádiyse júz bergende;
- biznesmenlerge óz xızmetkerlerine zárúrlik jaǵdayında tez pul ótkeriw kerek bolǵanda hám t.b.
Pul ótkermesi summası dárhal tólenedi, qarıydardıń qálewi boyınsha oǵan qolaylı bolǵan valyutada - naq pulda AQSh dolları, Evro, pul ótkermesin alǵan mámleket jergilikli valyutasında. Pul ótkermesin bir valyutada ótkerip, onı basqa valyutada alıw pul alıw shaqapshasındaǵı valyutanı satıwdıń aǵımdaǵı kursı boyınsha ámelge asırıladı. Sonı esapqa alıw kerek, eger siz jasaytuǵın elatlı punktte MoneyGram menen isleytuǵın bir neshe bankler bolsa hám siz alınatuǵın valyutanı konvertaciyalamaqshı bolsańız, bir neshe shaqapshalardaǵı valyutanı almastırıw kursların tekserip shıǵıń - olar bir-birinen parıqlanıwı múmkin.
Formatı: pdf
