Тафтиш комиссияси
Aкциядорлар умумий йиғилишига бўйсунувчи комиссия банкнинг молия-хўжалик фаолиятини назорат қилувчи орган ҳисобланади. Банк уставига мувофиқ тафтиш комиссияси аъзоларининг аниқ сони ва уларнинг вазифалари белгиланади. Тафтиш комиссияси банк уставига мувофиқ Банк акциядорларининг йиллик умумий йиғилишида сайланади.
Кузатув кенгаши
Банк уставига мувофиқ банк фаолиятига умумий раҳбарликни Кузатув кенгаши амалга оширади. Банк Кузатув кенгаши 9 нафар аъзодан иборат бўлиб, Кенгашнинг 2 нафар аъзоси миноритар акциядорлар орасидан сайланади.
Кузатув кенгаши қўмиталари
Кузатув кенгаши ваколатига кирувчи муҳим масалаларни дастлабки тарзда кўриб чиқиш ва улар юзасидан тегишли тавсиялар тайёрлаш учун Кузатув кенгаши ҳузурида қўмиталар ташкил этилади. Кузатув кенгаши қўмиталари аъзолари ҳар йили банк Кузатув кенгаши аъзолари ва юқори малакали ходимлари орасидан сайланади. Бу банк Бошқаруви органлари билан ўз фаолияти давомида ҳамкорлик қилишга ёрдам беради.
