Юртимизда рўй бераётган ижобий янгиланишлар, бунёдкорлик ишлари, бош устувор йўналишлар, ислоҳотларнинг мазмун-моҳияти авваламбор кадрларни танлаш, заҳирасини яратиш ва тўғри бошқаришга боғлиқдир. Банкимиз олдига қўйилган стратегик вазифаларга эришишда кадрлар сиёсатининг асосий мақсади – профессионал кадрлар жамоасини шакллантиришдан иборат. Ушбу мақсадни амалга ошириш юзасидан банк қуйидаги вазифаларни бажариб келмоқда:
Банкни юқори малакали ходимлар билан таъминлаш:
- Ходимларга бўлган талабларни ўрганиш ва ходимларни танлаш тизимини шакллантириб бориш;
- Ходимлар заҳирасини тузиш ҳамда лавозим поғоналари бўйича кўтарилишини режалаштириш;
- Ходимларни касбий малакасини ошириш.
Рағбатлантириш тизимини ривожлантириш:
- Банкни ривожлантиришга ўз ҳиссасини қўшаётган ходимларни рағбатлантириш ва лавозим бўйича кўтариш;
- Банк тузилмасини оптималлаштириш, услубий ишларни йўлга қўйиш;
- Ходимлар билан ишлаш стратегиясига амал қилиш.
Корпорати в маданиятни ривожлантириш:
- Ходимларни банк олдига қўйилаётган вазифаларга оид ахборот билан таъминлаб бориш;
- Мажмуавий дастур бўйича корпоратив маданиятни яхшилаш;
- Ижтимоий-психологик муҳитни яхшилаш.
Кадрлар сиёсатини оптималлаштириш ва унинг механизмини такомиллаштириш — банкдаги ҳар бир ходимнинг сифатли ва сермаҳсул фаолиятини йўлга қўйиш фаолиятини яхшилаш, билим малакасини ошириш ҳамда раҳбар ходимлар заҳирасини шакллантириш билан боғлиқдир.
Банкда раҳбар ходимлар заҳирасини тузиш учун банк фаолиятининг асосий йўналишлари бўйича банк Бошқаруви қошида Касбга мувофиқликни аниқлаш комиссияси тузилган бўлиб, мунтазам равишда ходимлар билан суҳбат олиб борилиб, уларнинг билим даражалари аниқланиб, босқичма-босқич тайёрлов олиб борилади.
Банкда ходимларнинг иш шароитларини яхшилаш, иш вақтидан унумли фойдаланиш, меҳнат таътили давомида дам олишни ташкил қилиш, соғлиқни тиклаш, моддий ва маънавий томондан ҳимоя қилиш бўйича белгиланган ишлар иш берувчи билан ишчи ходимлар номидан касаба уюшма қўмитаси ўртасида имзоланган жамоа шартномаси бандларига асосан амалга ошириб келинмоқда.
