22 окт 2021
“Mikrokreditbank” aksiyadorlik-tijorat banki Bosh ofisida Ichki nazorat xizmatiga yuqori malakali xodimlarni ishga qabul qilish boʼyicha tanlov eʼlon qiladi.
Tanlov boʼyicha qoʼyilgan asosiy talablar quyidagilardan iborat:
- Iqtisodiy, moliyaviy, huquqiy va sohaga oid boshqa mutaxassisliklar boʼyicha oliy maʼlumotlarga ega boʼlish;
- Moliya, soliq, komplaens, audit va ichki nazorat, iqtisodiy huquq bilan bogʼliq sohalarda 5 yildan kam boʼlmagan ish stajiga ega boʼlish;
- Kompyuterda ishlashni mukammal bilish (MCOffice (Excel, word, Power Point), Outlook, Internet) hamda Moneyoper dasturidan foydalanish;
- Maʼlumotlarni, hisobotlarni tahlil qilish, mustaqil fikrlash, gʼoyaviy ijodkorlik, jamoa bilan va oʼz ustida muntazam ishlash koʼnikmalariga ega boʼlish;
- Ish faoliyatidan kelib chiqib viloyatlarga xizmat safariga borish uchun tayyor boʼlish;
- Oʼzbek va rus tillarini mukammal bilish (ingliz tilini bilish qoʼshimcha ragʼbatlantiriladi);
- Sudlanmaganlik va jinoiy javobgarlikka tortilmaganlik;
- Oxirgi ish joyidan tavsiyanoma.
Sizning majbriyatlaringizga quyidagilar kiradi:
- Bank tizimida sohaga oid qabul qilingan va amaldagi meʼyoriy hujjatlar ijrosini taʼminlash;
- Bank mijozlarida amalga oshirilayotgan bank operatsiyalarini tahlil qilish hamda shubhali operatsiyalarni aniqlash;
- Аniqlangan shubhali operatsiyalar toʼgʼrisidagi maʼlumotlarni Moneyoper dasturidan foydalangan holda xabar koʼrinishiga keltirish hamda vakolatli davlat organiga taqdim etish;
- Taqdim etilgan xabar boʼyicha Oʼzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti oldida shaxsan javobgarlikni olish;
- Jamiyat xodimlarini korporativ odob-axloq kodeksiga amal qilishi, xizmat tadbirlari, manfaatlar toʼqnashuvini boshqarish yuzasidan amaliy ishlar olib borish;
- Faoliyatga tegishli boshqa masalalar.
Buning natijasida Siz:
- Poytaxtimiz markazida joylashgan zamonaviy ofis;
- Barqaror ish haqi;
- Doʼstona va malakali jamoada ishlash;
- Zamonaviy innovatsion loyihalar doirasida oʼzini koʼrsatish;
- Faol korporativ hayot;
- Oʼz-oʼzini anglash va malakaliy oʼsish imkoniyatlariga ega boʼlasiz!
Ish haqi: kelishilgan holda va amaldagi mehnat qonunchiligiga muvofiq ajratiladi.
Nomzodlar bankning kadr@mikrokreditbank.uz pochta manziliga oʼzining obʼektivkasini taqdim qilishi lozim.
Qoʼshimcha maʼlumotlar uchun telefon raqam: 1285 (ichki raqam 1023/1024)
