Жаҳонда бўлгани каби юртимизда ҳам ахборот коммуникация технологиялари ривожланган сари унинг қулайликларидан фойдаланиш билан бир қаторда ахборот хавфсизлигини таъминлаш масалалари ҳам долзарб бўлиб қолмоқда. Бугун, айниқса, электрон тўлов воситаларидан хавфсиз фойдаланиш, шахсга доир маълумотларни ишончли ҳимоя қилиш ва улардан ноқонуний фойдаланишга йўл қўймаслик  киберзўравонлик каби ҳолатлар содир этилишининг олдини олиш, тақиқланган контентларга қарши рақамли курашиш борасида тарғибот тадбирларини янада кенгайтириш зарурати пайдо бўлди.  

Давлатимиз раҳбарининг жорий йил 21 февралдаги «Ўзбекистон — 2030» стратегиясини «Ёшлар ва бизнесни қўллаб-қувватлаш йили»да амалга оширишга оид давлат дастури тўғрисида”ги Фармонининг 4-иловаси билан тасдиқланган режанинг 30-бандида “Фуқароларнинг кибержиноятлар қурбонига айланишининг олдини олиш ҳамда кибержиноятларга қарши курашишда фуқароларда «кибергигиена»ни шакллантириш” вазифаси белгиланган. Шунга кўра, аҳолида рақамли иммунитетни шакллантиришга алоҳида эътибор қаратилиб, жорий йилнинг 1 июлидан 31 июль кунига қадар республика миқёсида «Кибермаданиятни юксалтириш ойлиги» комплекс тарғибот тадбирлари ўтказилди.

1-_2_.jpg

«Кибермаданиятни юксалтириш ойлиги» доирасида аҳолини янада қизиқтириш ва кенг жалб қилиш мақсадида 13 та йўналишда танлов эълон қилинган эди. Унда бошқа корхона ва ташкилотлар қаторида «Микрокредитбанк» АТБ жамоаси ҳам фаол иштирок этди. 

Хусусан, Андижон вилоят ички ишлар бошқармаси ва қатор ташкилотлар ҳамкорлигида ташкил этилган ва банк филиаллари ўртасида ўтказилган "Киберхавфсизлик ойлиги"нинг якуний натижаларига кўра «Микрокредитбанк» АТБ Асака БХМ жамоаси «Энг фаол банк жамоаси» номинацияси бўйича ii даражали диплом билан тақдирланди. 

3-_2_.jpg

Замон билан ҳамнафасликда юртимизда амалга оширилаётган ислоҳотларга даҳлдорлик ҳисси ва жамиятда фаоллиги билан ўрнак бўлган Асака БХМ жамоасига ютуқлари бардавом бўлсин деймиз.        

Банк Ахборот хизмати