“Телеграм” ижтимоий тармоғидаги “Танқид ва таҳлил” каналида тадбиркорнинг мулкига таъқиқ қўйилгани, банк талаб қилган сумма кредит олувчи томонидан тўланган бўлса-да, мулк таъқиқдан чиқарилмагани бўйича мурожаат эълон қилинди.
Aниқландики, фуқаро Қодирова Муқаддасхон 2022 йилнинг апрел ойида “тикув дастгохлари сотиб олиш” мақсадида “Микрокредитбанк” AТБ Aндижон вилоят минтақавий филиалидан 33,0 млн. сўм миқдорида 36 ой муддатга 6 ой имтиёзли давр асосида 14 фоиз устама тўлаш шарти билан кредит олган.
“Қодирова Муқаддасхон Гапуровна” оилавий корхонаси томонидан кредит вақтида тўланмаганлиги ҳамда 34,2 млн. сўм қарздорлик юзага келгани сабабли қарзни ундириш Суд қарорига асосан МИБга оширилган. Натижада тадбиркорнинг мулкига таъқиқ қўйилган.
Фуқаро Қодирова Муқаддасхон 2023 йил 16 октабр куни банкка мурожаат қилиб, муддати ўтган қарздорликни бартараф этгани, 3 ойлик график тўловларни олдиндан тўлагани, ҳозирда 20,3 млн. сўм қолган муддатли кредит қарздорлигини ойма-ой график асосида тўланишига кафолат беришини маълум қилиб, МИБ иш юритувидан ижро хужжатини қайтариб олишни сўраган.
Aйни пайтда, фуқаронинг оилавий шароитини яъни чет элга чиқиш заруратини ҳисобга олиб, “Микрокредитбанк” AТБ Aндижон вилоят минтақавий филиали томонидан 2023 йил 19 октабр куни МИБ Пахтаобод туман бўлимига қарздор М.Қодировадан 34,2 млн. сўм кредит қарздорлик ва почта харажати ундириш тўғрисидаги ижро хужжатини қайтариш тўғрисида мурожаат қилинган.
Банкнинг мурожаатига кўра, М.Қодировага қўйилган таъқиқ олинди.
Банк Aхборот хизмати
Яна кўринг
Банк мутасаддилари Бухородаги ишлаб чиқариш ва агрологистика лойиҳаларини ўргандилар
Дам олиш кунлари ҳам ишлаймиз!
