5 февраль куни Ўзбекистон Республикаси Марказий банкида халқаро Women Entrepreneurs Finance Initiative — WE-Finance Code ташаббусининг йиллик ҳисобот йиғилиши бўлиб ўтди.
“WE-Finance Code” ташаббусининг йиллик натижалари нафақат аёллар тадбиркорлиги учун янада кенг имкониятлар очади, балки мамлакат иқтисодиётида инклюзивлик ва ижтимоий барқарорликни мустаҳкамлашга ҳам замин яратади.
Тадбир доирасида Ўзбекистонда ташаббусни жорий этиш жараёнида эришилган натижалар, аёллар раҳбарлиги бўйича гендер статистикани акс эттирувчи янги маълумотлар платформаси тақдим этилди. Бундан ташқари аёллар учун янги маҳсулотларни ишлаб чиқиш бўйича таклифлар билдирилди.
Микрокредитбанк WE-Finance Code ташаббусини қўллаб-қувватлаб, унинг расмий аъзоси эканлиги аёллар тадбиркорлигини ривожлантиришга содиқлигини намоён этади. Жумаладан, ҳисобот даври давомида Микрокредитбанк томонидан, хотин қизлар учун “Истиқболли аёл” микроқарзи ташкил этилди.
WE-Finance Code — 2023 йилда Жаҳон банки ва Халқаро Валюта Жамғармаси томонидан ишга туширилган глобал ташаббус бўлиб, унинг мақсади аёл тадбиркорларнинг молиявий ресурслар имкониятларини кенгайтириш ва бизнес ривожи учун тенг шароит яратишдир. Бугунги кунда мазкур ташаббус дунёнинг 30 дан ортиқ мамлакатида амалга оширилмоқда.
Банк Ахборот хизмати
Яна кўринг
Брифинг: 2025 йилда амалга оширилган ишлар ва 2026 йилги режалар ҳусусида
МКБАНкнинг Хоразм вилоят ҳудудий бошқармаси Марказий банк томонидан тақдирланди
Ушбу ютуқ ва эътироф жамоамизнинг масъулиятли ҳамда самарали меҳнатининг яққол ифодасидир.
