"Микрокредитбанк" акциядорлик тижорат банки “МастерCард” халқаро тўлов тизими банк карта эгалари учун “Микрокредитбанк 20 ёшда!” акциясини ўтказмоқда.
Акция 2 босқичда амалга оширилади.
1-босқич: 15.01.2026-30.06.2026
2-босқич: 07.07.2026-15.12.2026
Акцияда 18 ёш ва ундан юқори бўлган Ўзбекистон Республикаси фуқаролари, Ўзбекистон Республикасида яшаш гувоҳномасига эга бўлган чет эл фуқаролари, Ўзбекистон Республикасида яшаш гувоҳномасига эга бўлган фуқаролиги бўлмаган шахслар иштирок этишлари мумкин.
Акцияда Банк ходимлари ва уларнинг яқин қариндошларининг иштирок этишлари тақиқланади.
Банк томонидан акцияни амалга ошириш даврида ёки ундан олдин эмиссия қилинган “MasterCard” халқаро тўлов тизими банк картасига эга бўлган ва ушбу банк картаси орқали акция даври давомида ҳар ой энг камида:
Mastercard Стандарт карта эгалари учун бир ойда камида 25 (йигирма беш) АҚШ доллари ёки сўмда 300 000 (уч юз минг) сўмдан ортиқ;
Mastercard World Black Edition карта эгалари учун бир ойда камида 25 (йигирма беш) АҚШ доллари ёки 300 000 (уч юз минг) сўмдан ортиқ;
Mastercard World Elite карта эгалари учун бир ойда камида 25 (йигирма беш) АҚШ доллари ёки 300 000 (уч юз минг) сўмдан ортиқ ва ундан кўп қийматда транзаксияларни амалга оширган шахслар автоматик равишда акция иштирокчисига айланади.
Картадан онлайн ва офлайн тўлов қилиш каби транзаксиялар акцияда иштирок этади.
Ҳар бир амалга оширилган транзаксия бир имконият сифатида қаралади ва ютиш имкониятини ошириб боради. Акция даврида ютуқ чиққан карталар актив ҳолатда бўлиши шарт.
Акцияда иштирок этиш учун тўлов транзаксиялари фақат савдо ва хизмат кўрсатиш терминаллари (офлайн) ҳамда интернет сайтлари орқали (онлайн) амалга оширилган бўлиши лозим.
Акцияда банкоматдан ечилган нақд пул ҳамда иштирокчининг МКБАНК карталари ўртасида ўзаро халқаро пул ўтказмалари (П2П) иштирок этмайди. Бошқа банк карталарига ўтказмалар мустасно.
|
I-босқич
|
10 дона Samsung S26 Ultra (256ГБ) смартфони; 10 дона iPhone 17 Pro Max (256ГБ) смартфони; 1 дона 2 кишилик халқаро саёҳат чиптаси (УЭФА ChL финалига йўлланма) Супер ютуқ: 1 дона BYD Yuan Up автомобили; |
|
II-босқич
|
10 дона Samsung S26 Ultra (256ГБ) смартфони; 10 дона iPhone 17 Pro Max (256ГБ) смартфони; 1 дона 2 кишилик Формула-1 (Азербайжон ГП) саёҳат йўлланмаси; Бош ютуқ: 1 дона BYD Song Plus ДМ-и UZPRIDE автомобили. |
Ютуқ эгаси маълум бир ютуқни бошқа бир ютуққа алмаштиришни ёки уни пул кўринишида беришни талаб қилиш ҳуқуқига эга эмас.
2 кишилик халқаро саёҳат чиптаси (UEFA ChL финалига йўлланма) ҳамда 2 кишилик Формула-1 (Азербайжон ГП) саёҳат йўлланмалари бундан мустасно.
Ғолиблар ҳар бир босқич якунлангандан сўнг 10 кун муддат ичида ушбу комиссия аъзолари томонидан махсус дастур ёки шу каби бошқа дастурлар ёрдамида тасодифий (random.org) танлаш орқали аниқланади ва тасдиқланади.
Банк акцияни ўтказиш тартибига бир томонлама қўшимча ва ўзгартиришлар киритиш, ютуқлар таркибини кенгайтириш ёки уларни ўзгартириш ҳуқуқига эга.
Бунда улар кучга киритилишидан 3 (уч) иш куни олдин бу ҳақдаги тегишли ахборот Банкнинг расмий веб-сайтига жойлаштирилади.
Акция ғолибларининг номи ва сурати Банкнинг расмий веб-сайти – www.mkbank.uz ҳамда ижтимоий тармоқларга жойлаштирилади.
Совринларни топшириш санаси ва вақти акция ташкилотчилари томонидан белгиланади.
- Акция бўйича ютуқлар Бош банк биносида (Тошкент шаҳри, Миробод тумани, Амир Темур Шох кўчаси 4-уй) маъсул шахслар томонидан топширилади.
- Ютуқни қабул қилиб олишда, ютуқ эгаси шахсини тасдиқловчи ҳужжатни (Ўзбекистон Республикаси фуқаросининг паспорти ёки ИД-картаси, Ўзбекистон Республикасида доимий яшовчи чет эл фуқароси ва фуқаролиги бўлмаган шахснинг яшаш гувоҳномаси ёки ИД-картасини) ва ютуқли ўйинда транзаксия амалга оширган МКБАНК-Мастерcард картасини тақдим этади.
- Ютуқ эгаси билан 30 кун давомида боғланиш имконияти бўлмаган тақдирда, ютуқ Банк тасарруфига ўтказилади ва ютуқ бекор қилинади. Банк томонидан қайта акция элон қилиниши мумкин.
Ташкилотчилар саёҳат йўлланмаси совриндорларига чет эл элчихоналари томонидан визанинг маъқулланиши ёки маъқулланмаслиги ҳолатлари бўйича жавобгарликни ўз зиммасига олмайди.
Акция билан боғлиқ бўлган барча маълумотни Банкнинг Call марказига (1285) мурожаат қилган ҳолда ҳам олиш мумкин.
Банк Ахборот хизмати2
Яна кўринг
MKB Premium Plus — бизнес учун қулайликлар бир пакетда
МКБАНКда Ria халқаро пул ўтказмаларини еврода олиш имконияти яратилди
МКБАНК ходими нуфузли мусобақада 4-ўринни эгаллади!
Мазкур мусобақада барча вазирлик ва идораларнинг 120 нафардан ортиқ ходимлари ФИДЕ қоидалари асосида баҳслашди.
