"Микрокредитбанк" АТБ ёшларга оид давлат сиёсати дастури бўйича ҳудудларда ёшларни тадбиркорлик ва касбга ўргатиш, бизнес-режа тузиш, ишга тушган лойиҳалар билан таништириш кўникмаларини оширишга ўз ҳиссасини қўшиб келмоқда.
Жумладан, бугун Сирдарё вилояти Гулистон шаҳар, Навоий шох кўчаси 25-уй манзилида янги тадбиркорлик маркази – “Мега медиа 767” МЧЖ ўз фаолиятини бошлади.
Ушбу лойиҳани йўлга қўйиш учун ёш тадбиркор Б.Ғуломовга “Ёшлар – келажагимиз” жамғармасининг ресурс маблағи ҳисобига “Микрокредитбанк” Сирдарё вилояти Амалиёт бўлими томонидан тўқимачилик буюмлари ва мўйнали кийимларни ювиш ва кимёвий тозалаш (химчистка) ускуналари сотиб олиш учун 12 ой имтиёзли давр билан 5 йил муддатга 650,0 млн. сўмлик имтиёзли кредит маблағи ажратилди.
Натижада ҳудуддаги 5 нафар ёш хотин-қизларнинг бандлиги таъминланди. Тадбирда иштирок этганлар келгусида бу каби амалий ишларни давом эттирган ҳолда, бугунги кунда ёшларга, айниқса, ишсиз ёшларни иш билан таъминлаш масаласига алоҳида эътибор берилиши таъкидлашди.
Банк ахборот хизмати
Яна кўринг
Микрокредитбанк томонидан аҳоли бандлигини таʼминлаш ва камбағалликни қисқартириш бўйича амалга оширилаётган ишлар
СИРДАРЁДА БРИФИНГ ЎТКАЗИЛАДИ
