Бугун Микрокредитбанкда Халқаро ҳамкорлик бўйича Германия Жамғарма кассалари фондининг ташаббуси билан “Ковид-19 мисолида микро, кичик ва ўрта тадбиркорлик субъектлари ва жисмоний шахслар учун инқирозлар менежменти ва фавқулодда вазиятларни режалаштириш” мавзусида вебинар бўлиб ўтди.
Германия Жамғарма кассасининг икки нафар тажрибали эксперти – Вернер Тум ҳамда Сюзанне Шустерлар бошчилигида ўтказилган вебинар кичик ва ўрта бизнес корхоналари ҳамда жисмоний шахсларнинг иқтисодий ҳаётини таъминлаш, шунингдек, молиявий қийинчиликларнинг олдини оладиган фавқулодда чораларни таништириш орқали “биринчи ёрдам тўплами”ни кўрсатиб беришни мақсад қилади.
Мазкур амалиёт банкнинг кичик ва ўрта тадбиркорлик субъектлари мижозлари ҳамда жисмоний шахслар билан ишлайдиган ходимлари учун ташкиллаштирилди.
Маълумот ўрнида, бу каби вебинар дастурлари бир неча кун давом этади.
Банк ахборот хизмати
Яна кўринг
Микрокредитбанк томонидан аҳоли бандлигини таʼминлаш ва камбағалликни қисқартириш бўйича амалга оширилаётган ишлар
СИРДАРЁДА БРИФИНГ ЎТКАЗИЛАДИ
