"Ўзбекистон наслли қуёнлар ярмаркаси” бўлиб ўтмоқда

Валюта	Сотиб олиш	Сотиш	Ўзб МБ
USD	12000	12100	12047.45
EUR	13200	14100	14099.13
GBP	15500	16500	16109.85
JPY	70	100	77.29
CHF	14200	15200	15095.16

17-18 декабр кунлари пойтахтимизнинг “Ботаника” боғида “Ўзбекистон наслли қуёнлар ярмаркаси” бўлиб ўтмоқда.

Тадбирни Ўзбекистон Республикаси Ветеринария ва чорвачиликни ривожлантириш давлат қўмитаси, “Микрокредитбанк” акциядорлик-тижорат банки ҳамда Ўзбекистон Ветеринар ва чорвадорлар ассоциацияси ўзаро ҳамкорликда ташкил этди.

Ярмаркада 20 дан ортиқ зотдаги нассли қуёнлар намойиш этилмоқда. Унда соҳа мутахассислари қуёнчилик билан шуғулланувчи тадбиркорлар билан суҳбатда бўлишиб, келажакда қуён етиштиришни кўпайтириш, унинг гўшти, мўйнасининг экспортини йўлга қўйиш ҳамда экспорт операциялари бўйича маълумот бердилар.

Таъкидлаб ўтиш керакки, “Микрокредитбанк” АТБ республикамизда қуёнчиликни ривожлантиришга масъул этиб белгиланганидан бери ушбу йўналишда сезиларли ишлар амалга оширилди. Молия муассасасига жорий йилда қуёнчилик йўналишидаги 56 та лойиҳага умумий қиймати 317,4 млрд.сўм миқдорида маблағ йўналтирилган. Шунинг 200,9 млрд. сўми банк кредитидир.

Бугунги кунда мазкур лойиҳаларнинг 54 тасига 187,3 млрд.сўм кредит шартномалари имзоланиб тўловлар босқичма-босқич амалга оширилмоқда. Жумладан, Тошкент вилояти Қуйи-Чирчиқ туманида Италия технологиялари асосида умумий қиймати 30 млн. евро бўлган (17,0 млн. евро ташаббускорнинг ўз маблағлари, 13 млн. евро банк кредити) йирик “Қуёнчилик ва наслчилик агрокомплекс” ташкил этилмоқда. Ушбу лойиҳага Микрокредитбанк томонидан мижоз талабига асосан 6,9 млн.евро кредит маблағлари ажратилган. Мазкур маблағлар наслли қуёнлар, қуёнларни интенсив кўпайтиришга мўлжалланган замонавий ускуналар, генератор, қушхона комплекси, қишлоқ ҳўжалиги ва махсус техникалар, озуқа-ем маҳсулотлари ва ўғит ишлаб чиқариш ускуналари ҳамда лаборатория жиҳозлари сотиб олишга йўналтирилган. Шунингдек, Италиялик ҳамкорлар томонидан жорий йилнинг декабрь ойидан бошлаб ушбу комплекс учун етиштирилган (авиа рейслар тасдиқланган) наслли зотдор ота-она қуёнлар етказиб бериш бошланади.

Ҳозирда Италия давлатидан дастлабки 3000 бошга яқин наслли она қуёнлар олиб келиб парваришланмоқда.

Умумий қилиб айтганда, банк томонидан бугунги кунга қадар қуёнчилик соҳасини ривожлантиришга жами 4 773 та мижозга 453,6 млрд.сўм, шундан 416 та юридик шахсларга 361,3 млрд.сўм, 4 357 та жисмоний шахсларга 92,3 млрд.сўм кредит ажратилган. Шунингдек жорий йилда 1 705 та мижозга 208,9 млрд.сўм, шундан 66 та юридик шахсларга 168,4 млрд. сўм, 1 639 та жисмоний шахсларга 40,5 млрд.сўм йўналтирилган.

Банк ахборот хизмати