Ўлчовли олтин қуймалар тўғрисидаги маълумот
Аҳолининг инвестиция ва жамғариш имкониятларини кенгайтириш, шунингдек, қимматбаҳо металлар муомаласини ривожлантириш мақсадида Ўзбекистон Республикаси Марказий банки ўлчовли олтин қуймаларни тижорат банклари орқали сотувга чиқармоқда.
Оғирлиги 5, 10, 20 ва 50 грамм бўлган, 999,9 софликдаги олтиндан тайёрланган қуймалар махсус ҳимоя қадоқларида сотув учун тақдим этилади. Олтин қуймаларнинг қадоғи сертификат вазифасини бажаради ва ўз серия рақамига эга бўлади.
Олтин қуймаларнинг сотиш ва қайтариб сотиб олиш нархлари олтиннинг жаҳон бозоридаги нархи ва Марказий банк томонидан белгиланган маржа ёки чегирма асосида шаклланади ва ҳар куни Марказий банкнинг веб-сайтида миллий валютада эълон қилиб борилади.
Маълумот учун: Маржа ва чегирма миқдорлари ўлчовли қуймаларнинг муомалага чиқарилиши ва муомалада бўлиши билан боғлиқ операцион харажатларни ҳисобга олган ҳолда белгиланади.
Қадоқлари бут олтин қуймалар сотув шахобчаларида тижорат банки томонидан ёмби эгасига тўловни дархол амалга ошириш орқали қайтариб сотиб олинади.
Қадоғи бузилган ёки техник талабларга мос келмайдиган олтин қуймаларни қайтариб сотиб олиш уларни техник экпертизадан ўтказиш орқали амалга оширилади ва экспертиза ўтказилгандан сўнг тўлов тўлаб берилади.
Қадоғи бут ҳолатдаги олтин қуймаларни Ўзбекистон Республикаси ҳудудидан ташқарига олиб чиқишга рухсат берилади.
Ўлчовли олтин қуймалар ва уларнинг махсус ҳимоя қадоқлари намуналари
Олтин қуймалар 5, 10, 20 ва 50 грамм оғирликларда ва асиллик даражаси 999,9 бўлган олтиндан тайёрланган.
Олтин қуймалар Италиянинг "Certiline Srl." компанияси билан хамкорликда ишлаб чиқилган махсус қадоқларда муомалага чиқарилади.
Олтин қуйма ва унинг қадоғи бир ҳил серия рақамига эга. Қадоқда 3 турдаги ҳимоя элементлари мавжуд:
Ўлчовли олтин қуймаларнинг сотиш ва қайтариб сотиб олиш шохобчалари
| № | Ҳудуд | Филиал атамасы | Филиал манзили | Телефон |
|---|---|---|---|---|
| 1. | Тошкент қаласы | Әмелият басқармасы |
100047, Тошкент қаласы, Миробод туманы, Амир Темур шоссеси, 4-үй |
1285 |
| 2. |
Бухоро ўлаяаты (Бухоро қаласы) |
Бухоро филиалы |
200104, Бухоро ўлаяаты, Бухоро қаласы, «Низомий Ганжавий» МФЖ, Хамза көшеси, 6-үй |
1285 |
| 3. |
Бухоро ўлаяаты (Ғиждувон) |
Ғиждувон туманы |
200500, Бухоро ўлаяаты, Ғиждувон туманы, «Памоъза» МФЖ, Б. Нақшбанд көшеси, номерсиз үй |
1285 |
| 4. |
Навоий ўлаяаты (Кармана) |
Кармана филиалы |
210600, Навоий ўлаяаты, Кармана туманы, «Зиёкор» МФЖ, Кармана көшеси, 28-үй |
1285 |
| 5. |
Хоразм ўлаяаты (Хива қаласы) |
Хива филиалы |
220900, Хоразм ўлаяаты, Хива туманы, Хива қаласы, К. Девоний көшеси, 52А үй |
1285 |
