HURMАTLI АKSIYADORLАR!
“Mikrokreditbank” aksiyadorlik-tijorat banki aksiyadorlarining navbatdan tashqari umumiy yigʼilishi 2020-yil 27-mart kuni Toshkent shahri, Lutfiy koʼchasi, 14-uy, “Mikrokreditbank” АTB majlislar zalida oʼtkaziladi.
Yigʼilish soat 10:00 da boshlanadi. Аksiyadorlarni roʼyxatga olish soat 9:00 dan boshlanadi. Umumiy yigʼilish oʼtkazish uchun bank aksiyadorlari reestri 2020-yil 23-mart holatiga tuziladi.
Yigʼilish kun tartibi:
- “Mikrokreditbank” aksiyadorlik-tijorat banki aksiyadorlarining navbatdan tashqari umumiy yigʼilishi reglamentini tasdiqlash.
- “Mikrokreditbank” aksiyadorlik-tijorat banki ustav kapitali miqdorini va eʼlon qilingan aksiyalarining eng koʼp miqdorini belgilash.
- “Mikrokreditbank” aksiyadorlik-tijorat bankining Аksiyalar qoʼshimcha chiqarilishi toʼgʼrisidagi qaroriga oʼzgartirishlar kiritish va Аksiyalar qoʼshimcha chiqarilishi toʼgʼrisidagi qaroriga kiritilayotgan oʼzgartirishlar va (yoki) qoʼshimchalar matnini tasdiqlash.
- “Mikrokreditbank” aksiyadorlik-tijorat bankining yangi tahrirdagi Ustavini tasdiqlash.
- “Mikrokreditbank” aksiyadorlik-tijorat bankining yangi tahrirdagi “Aksiyadorlar umumiy yig‘ilishi to‘g‘risida”gi, “Kuzatuv kengashi to‘g‘risida”gi, “Boshqaruvi to‘g‘risida”gi nizomlarini tasdiqlash.
- Bank balansida o‘tgan yillar davomidagi umidsiz qarzlarni yopish evaziga yuzaga kelgan moliyaviy natijani hisobdan chiqarish to‘g‘risida.
Aksiyadorlarning navbatdan tashkari umumiy yig‘ilishini o‘tkazilishi haqida xabar qilish 2020-yil 4-mart holatiga tuzilgan aksiyadorlar reestri ma'lumotlari asosida aksiyadorlarning elektron pochta manzillariga bildirishnoma yuborish orqali amalga oshiriladi.
Aksiyadorlar navbatdan tashqari Umumiy yig‘ilishda shaxsini tasdiqlovchi hujjat va yozma shaklda tuzilgan ishonchnoma asosida qatnashadilar, yuridik shaxs nomidan berilgan ishonchnoma qonun hujjatlarida belgilangan tartibda, jismoniy shaxs nomidan berilgan ishonchnoma esa notarial tasdiqlangan bo‘lishi kerak.
Yig‘ilish o‘tkazish bo‘yicha qo‘shimcha axborot, unda ko‘riladigan masalalarning hujjatlari bilan quyidagi manzilga va telefon raqamlariga murojaat qilish yoki bankning korporativ veb-sayti (www.mikrokreditbank.uz) orqali tanishish mumkin.
Tel: (71) 202-99-99 (1015, 1170)
Bank Kuzatuv kengashi
