“Микрокредитбанк” UzCard ўртасида Меморандум имзоланди

2023 йил 24 май куни “Микрокредитбанк” акциядорлик тижорат банки Бошқарув раиси ўринбосари И.Джуманиязов ҳамда “Ягона умумреспублика процессинг маркази” МCҲЖ (UzCard) директори О.Закиров ўртасида банк карталари орқали тўловларни амалга оширишни янада жозибадорлигини ошириш, аҳолини банк хизматларига бўлган талабини қондириш мақсадида Меморандум имзоланди.

Меморандумга кўра, қуйидаги банк хизматларини жорий қилиш назарда тутилган:

• Банкоматлар орқали банк карталарисиз нақд пул маблағларини ечиш имкониятини яратиш; 
• NFC технологияси орқали Тошкент шаҳри ва вилоят марказларининг автобусларига ўрнатилган AТТО терминаллари орқали йўл хаққи тўлаш имкониятини яратиш;
• UzCard тизимида виртуал карта очиш;
• Мавжуд банкоматлар орқали қўшимча тўлов хизматларини ишга тушириш;
•  Банк карталарини банкоматда банк картасидан фойдаланмаган ҳолда тўлдириш; 
• Талабалар учун алоҳида банк карталари очиш ва бу карталардан турникет сифатида фойдаланиш;
• Кредит карталарини жорий қилиш кўзда тутилмоқда.

Банк Ахборот хизмати