Mikrokreditbank ustav kapitali 400,0 mlrd so’mga ortdi

Mikrokreditbank Oʻzbekiston moliya bozorida oʻz mavqeini yanada mustahkamlash maqsadida 2021-yilda koʻrsatilayotgan moliyaviy xizmatlar sifatini xalqaro standartlar darajasiga koʻtarishda innovatsion yangilanishlarga jadallik bilan kirishdi. Yaʼni bank oʻz-oʻzini yangilab, transformatsiyani izchillik bilan amaliyotga tatbiq etmoqda.

Bu kabi oʻzgarishlar samarasi Mikrokreditbank ustav kapitali oʻsishida ham yaqqol namoyon boʻlmoqda.

Oʼzbekiston Respublikasi Prezidentining “Oilaviy tadbirkorlikni rivojlantirish dasturlari doirasida amalga oshiriladigan qoʼshimcha chora-tadbirlar toʼgʼrisida”gi 2021 yil 27 martdagi PQ-5041-sonli Qarori ijrosini taʼminlash maqsadida Oʼzbekiston Respublikasi Moliya vazirligi tomonidan “Mikrokreditbank” aksiyadorlik-tijorat bankining ustav kapitalini oshirish uchun qo’shimcha mablag’ yo’naltirildi.

Jumladan, bank ustav kapitali qoʻshimcha 400,0 mlrd. so’mga ortdi. Natijada bank ustav kapitali miqdori 1 641 728 456 172 soʼmdan 2 041 728 455 952 soʼmga yetkazildi.