Yaqinda “Mikrokreditbank“ АTB tizimida Davlat dasturlari bilan shug‘ullanuvchi xodimlarning malakasini oshirish yuzasidan seminar-trening tashkil etildi. Unda hududiy filiallarning davlat dasturlari bilan ishlash bo‘limi boshliqlari ishtirok etdi.
So‘nggi yillarda aholi bandligini taʼminlash, fuqarolarning turmush tarzini yaxshilash borasida tizimli ishlar amalga oshirila boshlandi. Eng asosiysi kasanachilik, kichik biznes ko‘lami yanada ortdi. Davlatimiz rahbarining 2021-yilning 14-iyundagi PQ-5146-sonli qaroriga ko‘ra, parrandachilik loyihalarini amalga oshirishga Mikrokreditbank masʼul etib belgilangan. Unga ko‘ra, tarmoqni moliyaviy qo‘llab-quvvatlash uchun davlat tomonidan 85 mln АQSh dollari miqdorida mablag‘ yo‘naltirilmoqda. Mazkur mablag‘lar yurtimizdagi mavjud parrandachilik korxonalarining aylanma mablag‘ini shakllantirish maqsadida 24 oy muddatga 6 oylik imtiyozli davr bilan Markaziy bankning qayta moliyalash stafkasida yaʼni 14 foizda ajratiladi.
Seminar-trening davomida hududlarni ijtimoiy-iqtisodiy rivojlantirish dasturlariga kiritiladigan loyihalar bilan ishlash, bank krediti hisobidan ishga tushirilgan loyihalar monitoringgini amalga oshirish va past quvvatda faoliyat yuritayotgan loyihalar bilan ishlash, shuningdek, bank tomonidan jalb qilinayotgan xorijiy kredit liniyalari orqali kredit ajratish tartibi muhokama qilindi. Bundan tashqari, Respublikada quyonchilik sohasini rivojlantirish bo‘yicha amalga oshiriladigan loyihalarni tanlash hamda istiqbolini tahlil qilish bo‘yicha ham fikr almashildi.
Mazkur tadbir doirasida barcha mutasaddi xodimlar oldilarida turgan vazifalar yuzasidan aniq yo‘nalishni belgilab oldilar, kelgusidagi rejalarni birgalikda muhokama qildilar hamda topshiriqlar yuzasidan barcha savollariga javob oldilar.
Bank Аxborot xizmati
Яна кўринг
МКБАНК ходими “МЎЪТАБАР АЁЛ” кўкрак нишони билан тақдирланди!
