“Микрокредитбанк” АТБ Жиззах вилоят ҳудудий бошқармасида 8 март – Халқаро хотин-қизлар куни муносабати ташкил этилган тадбирда Ғаллаорол БХМ ходими Пияшева Мубора Суннатовнага “Мўътабар аёл” кўкрак нишони тантанали топширилди.
Қарийб 20 йилдан буён банкда ишлаб келаётган Мубора Пияшеванинг фидокорона меҳнати кўкрак нишони билан мукофотлангани юртимизда хотин-қизларга бўлган эътибор ва ғамхўрлик намунасидир.
- Бу янгилик мен учун байрамга кутилмаган совға бўлди. Камтарона хизматларим республика даражасида эътироф этилишини ҳеч кутмагандим. Бунинг учун давлатимиз ва Банк раҳбариятидан миннатдорман. Албатта, бу рағбат мен учун улкан масъулият, ишончни оқлаш ва фидойиликдир, - дейди “Мўътабар аёл” кўкрак нишони соҳиби Мубора Пияшева.
Маълумот учун: “Мўътабар аёл” кўкрак нишони Ўзбекистон Республикаси Вазирлар Маҳкамасининг 2018 йил 2 апрелдаги 257-сон қарорига мувофиқ таъсис этилган бўлиб, жамият ҳаётида фаол, оила мустаҳкамлиги ва миллий қадриятларни тарғиб этишга муносиб ҳисса қўшган аёлларга берилади.
МКБАНК жамоаси Мубора Пияшевани ушбу мукофот билан самимий қутлайди ва келгусидаги ишларига улкан зафарлар, оилавий фаровонлик тилайди.
Бу юксак эътироф — нафақат унинг шахсий ютуғи, балки бутун жамоамиз меҳнатига берилган эътибор намунасидир.
Банк Ахборот хизмати
Яна кўринг
МКБАНК раҳбарияти “Долзарб 40 кунлик” доирасида маҳаллаларни ўрганди
Аниқланган масалаларни ҳал этишда банкнинг ҳудудий бўлинмалари ҳамда “маҳалла еттилиги” билан ҳамкорликни янада кучайтириш бўйича тегишли вазифалар белгиланди.
“МУСТАҚИЛЛИК ВА МЕН” — РАСМЛАР ТАНЛОВИГА МАРҲАМАТ!
Танловда 6–11 ёшдаги банк ходимларининг фарзандлари иштирок этиши мумкин.
