МКБАНК раҳбарияти “Долзарб 40 кунлик” доирасида маҳаллаларни ўрганди

Маҳаллаларда аҳоли билан ишлаш тизимини янги босқичга олиб чиқиш, мавжуд муаммоларни жойида аниқлаш ва уларни манзилли ҳал этиш борасидаги ишлар “Долзарб 40 кунлик” доирасида изчил давом эттирилмоқда.

Жорий йилнинг 21 июль куни давлатимиз раҳбари раислигида ўтказилган видеоселектор йиғилишида “Маҳалла еттилиги” фаолиятини янгича ташкил этиш, маҳаллаларда аҳоли мурожаатлари билан ишлаш самарадорлигини ошириш ҳамда ҳудудларда мавжуд муаммоларни бевосита жойига чиққан ҳолда ўрганишга алоҳида эътибор қаратилди.

Мазкур топшириқлар ижросини таъминлаш, шунингдек, “Долзарб 40 кунлик” тадбирлари доирасида жорий йилнинг 17 август куни “Микрокредитбанк” АТБ Бошқарув раиси ўринбосари Икром Джуманиязов бошчилигидаги ишчи гуруҳ томонидан Тошкент вилоятининг Оққўрғон ва Пискент туманларида танлаб олинган таянч маҳаллалар жойига чиққан ҳолда ўрганилди.

Ўрганишлар давомида маҳаллаларда аҳоли билан ишлаш ҳолати, фуқароларнинг мурожаатлари ва муаммоларини аниқлаш, уларни ҳал этишда масъул ташкилотларнинг ҳамкорлиги, шунингдек, тадбиркорликни ривожлантириш ва янги иш ўринларини яратиш бўйича амалга оширилаётган ишлар таҳлил қилинди.

Алоҳида эътибор маҳаллаларнинг иқтисодий салоҳиятидан самарали фойдаланиш, аҳолининг бандлигини таъминлаш, тадбиркорлик ташаббусларини қўллаб-қувватлаш ҳамда молиявий хизматлардан фойдаланиш имкониятларини кенгайтиришга қаратилди.

Ишчи гуруҳ томонидан маҳалла ҳудудидаги мавжуд имкониятлар билан бир қаторда, аҳоли ва тадбиркорларнинг кредит ва молиявий хизматларга бўлган эҳтиёжлари ҳам ўрганилди. Аниқланган масалаларни ҳал этишда банкнинг ҳудудий бўлинмалари ҳамда “маҳалла еттилиги” билан ҳамкорликни янада кучайтириш бўйича тегишли вазифалар белгиланди.

“Микрокредитбанк” АТБ томонидан “Долзарб 40 кунлик” доирасида амалга оширилаётган бу каби амалий ўрганишлар маҳаллаларда тадбиркорлик муҳитини яхшилаш, аҳоли даромадларини ошириш ва янги иш ўринларини яратишга хизмат қилади.

Банк Ахборот хизмати