Жорий йилнинг 29-30 сентябр кунлари Тошкентда Халқаро иқтисодий форум ўтказилмоқда. 

Унда сўнгги беш йил давомида Ўзбекистонда амалга оширилган иқтисодий ислоҳотларнинг таҳлили, шунингдек иқтисодиётни янада ривожлантириш учун истиқболли ғояларни муҳокама қилишга бағишланади. 

Мазкур форум доирасида “Микрокредитбанк” АТБ томонидан 3 та келишув: “Росселхозбанк” AЖ (Россия), Германия жамғарма кассалари фонди ҳамда “Accион Интернатионал” (AҚШ) имзоланди. 

Жумладан, форумнинг иккинчи кунида “Микрокредитбанк” АТБ ва “Росселхозбанк” АЖ (Россия) ўртасида ўзаро ҳамкорлик келишуви (паррандачилик, қуёнчилик ва қишлоқ хўжалиги) имзоланди. Уни “Росселхозбанк” AЖнинг халқаро блок раҳбари Дмитрий Мушков, “Микрокредитбанк” номидан Банк Бошқарув Раиси Ориф Бутаев имзолади. 

Халқаро ҳамкорлик бўйича “Микрокредитбанк”га тегишли иккинчи муҳим ҳужжат Германия жамғарма кассалари фонди ўртасида банк трансформацияси бўйича ўзаро ҳамкорлик меморандуми имзоланди. Ҳозирги кунда банк томонидан трансформация жараёни олиб борилмоқда. Спаркассен Стифтунг билан меморандум имзолаш орқали трансформация жараёнига чет еллик мутахассисларни жалб қилиш кўзда тутилган. Меморандумни “Микрокредитбанк” Бошқарув Раиси Ориф Бутаев ҳамда Германия жамғарма кассалари фондининг узоқ муддатли эксперти ва Ўзбекистондаги вакили Матиас Ванглер имзолади.

Шунингдек, “Микрокредитбанк” АТБ ва “Accion International” (АҚШ) ўртасида микромолиялаш соҳасини ривожлантириш бўйича меморандум имзоланди. Лойиҳа банкда микромолиявий хизматларни ривожлантиришнинг юқори даражадаги стратегик устуворликларини ишлаб чиқиш ва аниқлашни ўз ичига олади. Лойиҳанинг якуний мақсади – кам таъминланган аҳолига, кичик ва ўрта корхоналарга, кичик фермерларга молиявий хизматларнинг тўлиқ пакетини тақдим этишдан иборат. 

Учрашув давомида томонлар микрокорхоналар, фермер, деҳқон хўжаликлари ва бошқа банк бўлмаган ҳамда йетарли даражада молиявий хизматлар кўрсатилмаётган аҳоли учун рақамли молиявий хизматларни ривожлантириш ва шу орқали Ўзбекистондаги молиявий оммабопликни ошириш учун биргаликда қандай ишларни амалга ошириши мумкинлигини кўриб чиқадилар. 

Шунингдек, улар очиқ мулоқот ўтказишга, мунтазам равишда учрашиб, ҳамкорлик борасидаги ишларни амалга оширишга хайрихоҳлик билдиришди.