Maʼlumki, aholini tadbirkorlikka keng jalb qilish hamda oilaviy tadbirkorlikni qoʼllab-quvvatlashda tijorat banklarining roli va ahamiyat beqiyos. Аyniqsa banklardagi shart-sharoitlar va mijozlar uchun yaratilgan qulayliklar ular tomonidan koʼrsatiladigan xizmat sifatiga ijobiy taʼsir koʼrsatadi.
Sirdaryo viloyatidagi mavjud 3 ta АTB "Mikrokreditbank" filiallari ichida Boyovut tumani filialining oʼrni salmoqli boʼlib, u 1994-yilda tashkil etilgan. Qariyb 30 yildan buyon bank moslashtirilgan binolarda faoliyat koʼrsatib keldi. Yangi bino qurilgunga qadar foydalanib kelingan binoning joylashuvi ham bank mijozlari uchun koʼp noqulayliklar tugʼdirar edi.
Bugun foydalanishga topshirilgan bank binosi 4 mlrd 200 mln soʼm mablagʼ evaziga bunyod etilgan boʼlib, unda mijozlar uchun barcha shart-sharoitlar yaratilgan.
Muhimi yangi bino mahallaning ichki qismida emas, balki tuman markazini Guliston shahri bilan bogʼlaydigan katta avtomabil yoʼli boʼyida joylashgan. Bu esa tuman aholisi, qolaversa, "Mikrokreditbank" xizmatlaridan foydalanadigan qoʼshni Xovost tumani, shuningdek, Shirin va Yangiyer shahri aholisi uchun ham qulaylik yaratadi.
Ochilish marosimida bankning markaziy boshqaruvi Monitoring va muammoli aktivlar bilan ishlash departamenti direktori Bekzod Yesenkulov ishtirok etdi hamda soʼzga chiqdi
Яна кўринг
MKBANK va TKXU o‘rtasida hamkorlik memorandumi imzolandi!
MKBANKda xavfsizlik darajasi yanada oshirilmoqda
