“Global money week” doirasida maktab o‘qituvchilari o‘rtasidagi tanlov g‘oliblari taqdirlandi

Oʼzbekiston Respublikasi Markaziy banki tashabbusi bilan “Global Money Week” haftaligi doirasida “Omonatlar va jamgʼarish koʼnikmalari” tanlovida Namangan va Sirdaryo viloyatidan jami 15 ta umumtaʼlim oʼrta maktablarining oʼqituvchilari ishtirok etdi.

Maktablardagi 5-11-sinf oʼquvchilarining moliyaviy savodxonligini oshirish maqsadida jonkuyar ustozlar tomonidan “Omonatlar va jamgʼarish koʼnikmalari” mavzusida interaktiv darslar olib borildi. Oʼtkazilgan darslar tanlov komissiyasi tomondan baholandi hamda quyidagi maktab oʼqituvchilari gʼolib deb eʼlon qilindi:

Namangan viloyati boʼyicha:

• 1-oʼrin - Mingbuloq tumani 38-sonli umumtaʼlim oʼrta maktabi oʼqituvchisi Shamsieva Nigoraxon Olimjonovna;
• 2-oʼrin - Chust tumani 20-sonli umumtaʼlim oʼrta maktabi oʼqituvchisi Nishonova Mohira Baxodirovna.

Sirdaryo viloyati boʼyicha:

• 1-oʼrin - Guliston shahri 16-sonli umumtaʼlim oʼrta maktabi oʼqituvchisi Jumanova Nodira Shuxratjonovna;
• 2-oʼrin - Sirdaryo tumani 30-sonli umumtaʼlim oʼrta maktabi oʼqituvchisi Isroilova Orzugul Djanishovna.

Gʼolib ustozlarga bank nomidan fahriy yorliq va qimmatbaho sovgʼalar topshirildi.

АTB “Mikrokreditbank” jamoasi tanlovda ishtirok etgan barcha ustozlar va maktab rahbariyatiga hamda oʼquvchilarga oʼz minnatdorchiligini bildiradi. Kelgusi ishlariga ulkan zafarlar tilaydi.