Хабарингиз бор, Ўзбекистон Республикаси Президентининг 2022 йил 24 январдаги “Паррандачилик тармоғини давлат томонидан қўллаб-қувватлашга доир қўшимча чора-тадбирлар тўғрисида”ги ПҚ-100-сонли қарори ҳамда 2022 йил 15 июндаги “Паррандачилик соҳасини давлат томонидан қўллаб-қувватлаш тизимини янада такомиллаштириш чора-тадбирлари тўғрисида”ги ПҚ-281-сонли қарорлари қабул қилинди.
Унга асосан, паррандачилик маҳсулотларини ишлаб чиқариш билан шуғулланувчи тадбиркорларни давлат томонидан қўллаб-қувватлаш, субсидиялар ажратиш ва бошқа имтиёзлардан фойдаланиш ҳуқуқи ижросига эътибор қаратилган. Қарорда қайд етилишича, 2022 йил 1 июндан 400 млрд. сўмгача кредит маблағлари ҳисобидан паррандачилик хўжаликлари ва парранда омухта еми ишлаб чиқарувчи тадбиркорларга дон захираси яратиш учун Марказий банк асосий ставкасида 3 ойлик имтиёзли давр билан 12 ой муддатгача револвер кредитлар ажратилади.
Бугун республикамизда озиқ-овқат хавфсизлигини таъминлаш, шунингдек, паррандачиликни ривожлантириш ва тармоқ озуқа базасини янада мустаҳкамлаш ҳамда паррандачилик йўналишидаги тадбиркорлик субъектларини қўллаб-қувватлаш мақсадида “Микрокредитбанк” АТБга 85 миллион АҚШ доллар миқдоридаги маблағ ажратиш белгиланган.
Ҳозирга қадар (биринчи босқичда) 50 миллион АҚШ доллари миқдоридаги маблағлар йўналтирилган. Шунингдек, “Микрокредитбанк” АТБ томонидан ўтган давр мобайнида 200 дан ортиқ паррандачилик хўжаликлари ва озуқа-ем маҳсулотларини ишлаб чиқарувчи корхоналарга 491,3 млрд. сўм миқдорида кредитлар ажратилди.
Жорий йилнинг 22 июнида “Микрокредитбанк” АТБ, “Паррандасаноат” уюшмаси ҳамда Журналистлар ижодий уюшмаси Бухоро вилоят бўлими билан ҳамкорликда Бухоро вилояти Ромитан туманидаги “Behtarin Group” МЧЖда бир гуруҳ оммавий ахборот воситалари вакиллари иштирокида пресс-тур ташкил етилди.
Пресс-тур давомида ОАВ вакиллари “Behtarin Group” МЧЖ фаолияти билан бевосита яқиндан танишиш имконига эга бўлишди.
“Behtarin Group” МЧЖ ҳақида маълумот
“Behtarin Group” МЧЖ фаолияти гўшт йўналишидаги паррандачиликка мўлжалланган бўлиб, “Микрокредитбанк” АТБ томонидан 2021 йилда 2 йил муддатга 6 ойлик имтиёзли давр билан 3,3 млрд.сўм миқдорида кредит ажратилган. “Behtarin Group” МЧЖ бугунги кунда тўлиқ ишга тушган бўлиб, ҳозирда корхонада 30 га яқин янги иш ўринлари яратилган.
Келгусида корхонани кенгайтириш ҳисобига ишчилар сонини 40 нафардан ошириш режалаштирилган. Ҳозирда корхонада 1 ойда ўртача 75 минг бош жўжа боқиляпти, маҳсулот асосан, ички бозорни таъминлашга мўлжалланган. Шунингдек, яқин ойларда корхона кенгайтирилиб, йил охиригача 90 минг бош жўжа боқилиши натижасида ўртача 180 минг тонна гўшт ҳолида ички бозорга чиқарилади. Мазкур корхона 2023 йилда ўз фаолиятини кенгайтириб, 3 та цех қуришни, у ерда парранда учун асосий озуқа бўлган ем ишлаб чиқаришни ва боқилган жўжаларни сўйиш линиясини ҳам ташкил етишни мақсад қилган.
Хулоса ўрнида айтиш мумкинки, бугун “Микрокредитбанк” АТБ тадбиркорларни қўллаб-қувватлаш йўлида доим улар билан бирга.
Банк Ахборот хизмати
Яна кўринг
МКБАНКда маънавий-маърифий учрашув ўтказилди
Мутахассис ва олимлар томонидан мавзуга оид маърузалар қилиниб, Президентимиз нутқида илгари сурилган муҳим ғоя ва ташаббусларнинг мазмун-моҳияти атрофлича ёритиб берилди.
Байрам кунлари ҳам ишлаймиз!
