Бугун банкимиз томонидан аҳолини ва хотин-қизларни қўллаб-қувватлаш, тадбиркорлик истагидаги фуқаролар учун имтиёзли кредитлар ажратиш борасида қатор ишлар амалга оширилмоқда.
Оширилган ва режадаги ишлар ҳақида ҳисобот беришдан йироқмиз, негаки буни банкимиз мижози бўлган ёки ўзининг қатъий мақсадига эга тадбиркорларнинг эришаётган ютуқлари асослаб турибди.
Албатта, бу фикрни бежиз билдирмадик. Орамизда тадбиркорлик қилишни мақсад қилганлар талайгина албатта, аммо унинг қоидаси ва бу йўлдаги зарур тартиблар ҳақида маълумотга эга бўлмаслик бошламоқчи бўлган ишимизда фақат тўсиқ бўлади. Натижада айбдорни қидиришга тушиб қоламиз. Бироқ, унутмангки, бу борада доим ҳам сизга кўмаклашмоқчи бўлган ташкилот ёки молия муассасасини айбдор қилолмайсиз... Яқинда ижтимоий тармоқлар орқали Андижон вилояти Шаҳрихон тумани Ўрта Шаҳрихон ҚФЙ Шокирбой МФЙда жойлашган “KHAN CHICKEN” МЧЖ раҳбари Зокиров Музаффаржоннинг “Микрокредитбанк” АТБ Бош офисига йўллаган мурожаати тарқалди.
Ушбу мурожаат ўрганилиб, қуйидагилар аниқланди.
Мурожаатда таъкидланишича, Зокиров Музаффаржон паррандачилик фаолиятини ташкил этиш мақсадида парранда, парранда боқиш ускунаси ва хомашё сотиб олиш учун 2 йил муддатга 6 ой имтиёзли давр билан йиллик 17 фоиз устама ҳақ тўлаш шарти билан 4,9 млрд сўм миқдорида кредит ажратишларини сўраб “Микрокредитбанк” АТБ Андижон вилояти минтақавий филиали Шаҳрихон банк хизматлари марказига ариза топширган. Аризада шунингдек, зарур ҳужжатларни ва кредит таъминотини ҳам илова қилади. Бироқ Зокиров Музаффаржоннинг аризаси текширилганда, бир қатор камчиликлар кўзга ташланади, яъни кредит таъминоти учун кўрсатилган биноларнинг баъзиларида фойдаланиш учун шароитнинг йўқлиги, битта бино кўприк қурилиш ишлари сабаб сносга тушганлиги, бошқа бир бино эса фақат ҳужжат учун ижарага олинганлиги ва таъминот бинолари ҳам нотўғри нархланганлиги маълум бўлади.
Шунингдек, Зокиров Музаффаржоннинг 2021 йил 27 декабрда ташкил этган жамияти ҳисоб варағида умуман пул оқими йўқлиги ҳам аён бўлади. Хўш, бу каби камчиликларга кўз юмаётган Зокиров Музаффаржон 6 ойдан буён кредит ололмаётганини иддао қилиши қанчалик асосли? Ёки шунча камчилик ва муаммолари бор мурожаатчи учун банк қайси шартлар асосида кредит ажратиши керак? Айни пайтда фуқаро Зокиров Музаффаржонга мурожаати юзасидан қайта тушунтириш ишлари олиб борилмоқда.
Банк Ахборот хизмати
Яна кўринг
Техник созлаш ишлари амалга оширилади!
МКБАНКда "Қадринг баланд бўлсин, Она тилим!" шиори остида Оммавий диктант танлови ўтказилди
