Маълумки, ўтган йили 20 августда Президент Шавкат Мирзиёев тадбиркорлар билан очиқ мулоқот ўтказган эди.
Юртимизда бундай шаклдаги учрашув илк бор ўтказилиб, унда жами ўн мингга яқин тадбиркор иштирок этганди. Ушбу тадбирда Шавкат Мирзиёев учрашув ҳар йили 20 августда очиқ мулоқот шаклида ўтказилиши ва маркур санани юртимизда Тадбиркорлар куни этиб белгилаш таклифини билдирганди.
Давлатимиз раҳбарининг бу йилги очиқ мулоқоти 22 август куни бўлиб ўтади. Учрашувда тадбиркорликни қўллаб-қувватлаш, тизимли муаммоларни бартараф этиш чора-тадбирлари муҳокама қилинади, тадбиркорларнинг таклифлари эшитилади.
Маълумотларга кўра, бу йил ҳам мазкур мулоқотга катта тайёргарлик кўрилмоқда. Тадбиркорлардан савол ва таклифларни йиғиш бўйича республика штаби ҳамда “колл-марказ” ташкил этилган. Унга бугунги кунгача 7 минг 200 дан ортиқ таклиф ва мурожаатлар келиб тушган. Республика штаби аъзолари уларда кўтарилган тизимли ва хусусий масалаларни ҳар куни муҳокама қилиб бормоқда. Уларнинг аксарияти жойида ҳал этилмоқда.
Юртимизда тадбиркорлик муҳитини янада яхшилаш учун муҳим бўлган мазкур учрашувга барча кичик бизнес ва хусусий тадбиркорлик субйектларини фаол иштирок етишга чақириб қоламиз.
Яна кўринг
МКБАНК “ZAAMIN ULTRA” 2026да!
МКБАНКдан — Онлайн Эскроу хизмати!
Эндиликда мижозлар банк бўлимларига ташриф буюрмасдан туриб, масофадан эскроу ҳисобварағини очишлари ва уни бошқаришлари мумкин.
