2025 йил давомида “Микрокредитбанк” АТБ халқаро молия институтлари билан ҳамкорликни фаол ривожлантириб, савдони молиялаштириш йўналишида муҳим натижаларга эришди. Банк томонидан жалб қилинган халқаро ресурслар, аввало, кичик ва ўрта бизнес субъектларини қўллаб-қувватлаш, тадбиркорлик фаолиятини кенгайтириш, шунингдек, иқтисодиётнинг устувор йўналишларини молиялаштиришга йўналтирилди.
Шуни алоҳида таъкидлаш жоизки, Ўзбекистон Республикаси ҳукумати томонидан 2025 йил учун бевосита “Микрокредитбанк” АТБга халқаро молия институтларидан 260 миллион АҚШ доллари миқдорида маблағ жалб этиш режаси белгиланган бўлиб, банк мазкур режани тўлиқ ва муваффақиятли бажарди. Ушбу натижа “Микрокредитбанк” АТБнинг халқаро молия бозорларидаги ишончли ва барқарор ҳамкор сифатидаги мавқеини яна бир бор тасдиқлайди.
Ҳисобот йилида “Микрокредитбанк” АТБ томонидан Европа, Шимолий Америка ҳамда Осиё минтақаларида фаолият юритувчи қуйидаги йирик халқаро молия институтларидан маблағлар жалб этилди:
— Германиянинг тараққиёт банки - KfW;
— АҚШнинг Cargill Financial Services International Inc. компанияси;
— Сингапурнинг Olam Global Agri Treasury Pte Ltd. компанияси;
— Германиянинг ODDO BHF SE банки;
— Қозоғистоннинг Altyn ва Halyk банклари;
— Туркиянинг Актиф банки
Мазкур ҳамкорликлар банкнинг халқаро молия бозорларидаги нуфузини мустаҳкамлаш, ташқи савдо операцияларини қўллаб-қувватлаш ва мижозларга замонавий молиявий ечимларни таклиф этиш имконини берди.
Келгусида “Микрокредитбанк” АТБ халқаро молия институтлари, хорижий банклар ва инвестиция фондлари билан ҳамкорлик географиясини янада кенгайтиришни, янги савдони молиялаштириш линияларини жорий этишни режалаштирмоқда.
МКБАНКнинг халқаро ҳамкорликлари — бу нафақат халқаро ишонч, балки келажак учун янги имкониятлар.
Ҳамкорлик 2026 йилда ҳам давом этади!
Банк Ахборот хизмати
Яна кўринг
Тарихий лаҳзани ифодаловчи эсдалик тангалари МКБАНКда сотувда
Кредитдан натижагача: Бухоролик тадбиркорларнинг муваффақият йўли
