Самарқанд шаҳрида бўлиб ўтаётган 2-Ўзбекистон халқаро иқтисодий форумининг бугунги кун тартибининг асосий тадбирларидан бири “Микрокредитбанк” ва “Accion International” (AҚШ) билан ҳамкорликда ўтказиладиган панел сессиясидир.
Ушбу панель сессия “Хорижий инвестициялар иштирокида янги микромолия компаниясини ташкил этиш, микро ва кичик корхоналар учун молиявий инклюзивликни ташкил этиш” мавзусига бағишланган.
Тадбир давомида “Accion International” компанияси Ўзбекистонда хорижий инвестициялар иштирокидаги янги микромолия компаниясини ташкил этиш бўйича тақдимот намойиш этди.
Форумда Осиё тараққиёт банки ва Халқаро молия ва корпорацияси вакиллари ҳам меҳмон сифатида иштирок этмоқда.
Сўзга чиқувчилар ҳамда тадбир меҳмонлари ўз фикрлари, тажрибалари ва микромолия соҳасидаги сўнгги тенденциялар билан ўртоқлашди. Шунингдек, МКБАНК ҳам ушбу янги компанияда инвестор сифатида иштирок этиши кўзда тутилганлиги ҳақида маълумот берилди.
Учрашув якунида хорижий инвестициялар иштирокида ташкил этиладиган янги микромолия компанияси юзасидан батафсил ахборот олиш истагидаги форум иштирокчилари билан суҳбат ва учрашувлар давом эттирилиши маълум қилинди.
Банк ахборт хизмати
Яна кўринг
Тарихий лаҳзани ифодаловчи эсдалик тангалари МКБАНКда сотувда
Кредитдан натижагача: Бухоролик тадбиркорларнинг муваффақият йўли
