Ижтимоий тармоқларда “"Микрокредитбанк" банк сирини кўчага улоқтиришда давом этаётганлиги, Қашқадарё вилояти минтақавий филиали томонидан ажратилган кредитларнинг айрим йиғма жилдлари банкда мавжуд эмаслиги тўғрисидаги яна бир хабар тарқалди.
Хабарда айтилишича, аввалги ҳолат бу сафар ҳам такрорланган.
Мазкур ҳолат ўрганилганда, айни дамда “Микрокредитбанк” АТБ Қашқадарё вилояти минтақавий филиалида кредит йиғма жилдларини инвентаризациядан ўтказиш ишлари ҳали ҳам давом этаётганлиги аниқланди. Ушбу жараёнда Қашқадарё вилояти минтақавий филиалининг айрим кредит йиғма жилдлари банкда мавжуд эмаслиги маълум бўлди.
Айни дамда ушбу ҳолатлар бўйича банк маъсул ходимлари томонидан тегишли чоралар кўрилаётган бўлиб, инвентаризация тугатилгандан сўнг юзага келган бу каби воқеа ва аниқланган камчиликлар бўйича банкнинг маъсул ходимларига белгиланган тартибда қонуний чоралар кўрилади ҳамда бу ҳақда яна қўшимча маълумот тақдим этилади.
Шу ўринда “Микрокредитбанк” АТБ Қашқадарё вилояти минтақавий филиали раҳбарияти кредит йиғма жилдларини ўзида сақлаб турган фуқаромиздан бошқа фуқароларга алоқадор маълумотларнинг сир сақланишини ва давлат банки бўлган “Микрокредитбанк” АТБнинг активлари бутлигини таъминлаш мақсадида кредит йиғма жилдларининг банкка қайтарилишини фуқаролик бурч деб ҳисоблаб, ҳужжатларни қайтаришга амалий ёрдам беришини сўрайди.
Шунингдек, бу каби ҳолатдан ўз вақтида хабардор қилган ижтимоий тармоқ канали муаллифининг ҳамкорлигини қадрлашимизни таъкидламоқчимиз.
Банк Ахборот хизмати
Яна кўринг
Дам олиш кунлари ҳам МКБАНК ишлайди!
“Китоб ўқиш соати”да “Икки эшик ораси” асари ўқилди
Челленж учун ўзбек адабиётининг дурдона асарларидан бири Ўткир Ҳошимовнинг “Икки эшик ораси” асари танланди.
