Жорий йилнинг 17 январь санасида фуқаро Ф.Кучкаров банкнинг Самарқанд вилояти Пастдарғом туманидаги Жума банк хизматлари марказида валюта айирбошлаш кассасидан АҚШ доллари валютасини харид қилишида муаммога учрагани юзасидан “Гражданский Контроль”нинг “Facebook”даги саҳифаси орқали видеомурожаат йўллаган.
Ушбу мурожаат банкнинг тегишли мутахассислари томонидан ўрганилганда, ҳақиқатан ҳам, фуқаро хорижий валюта сотиб олиш учун 17 январь куни соат 16:45да банк ходими кассир-оператор Н.Илашевга АҚШ доллари харид қилиш юзасидан мурожаат қилгани аниқланди. Н.Илашев мижозга дастурий таъминот ишламаётганини билдирган ҳолда рад жавобини берган. Ваҳоланки, дастурий таъминотда техник сабабларга кўра, қисқа узилиш бўлиб, тезда иш фаолияти тикланган.
Мазкур ҳолат юзасидан кассир-оператор Н.Илашев билан тушунтириш ишлари олиб борилиб, унга нисбатан жарима интизомий жазо чораси қўлланилган.
Банк томонидан келгусида бундай ҳолатлар юз бермаслиги учун тегишли чоралар кўрилмоқда.
Банк Ахборот хизмати
Яна кўринг
Тарихий лаҳзани ифодаловчи эсдалик тангалари МКБАНКда сотувда
Кредитдан натижагача: Бухоролик тадбиркорларнинг муваффақият йўли
