18 Sep 2024
Юртимизда аҳолини сифатли озиқ-овқат маҳсулотлари билан таъминлаш, қишлоқ хўжалиги маҳсулотлари етиштирувчиларини ҳар томонлама қўллаб-қувватлаш борасида Микрокредитбанк томонидан ҳам тизимли ишлар амалга оширилмоқда.
Хусусан, аҳолимизнинг балиқ маҳсулотига бўлган эҳтиёжини қондириш, тармоқда янги технологияларни жорий этиш, мазкур соҳада фаолият юритаётган хўжаликлар моддий-техник базасини мустаҳкамлаш мақсадида Наманган вилояти Чуст туманидаги «Rezaksoy» сув омбори ҳудудида жойлашган «Eco Fish-Friends» корхонасининг балиқчилик лойиҳаси молиялаштирилди.
– Хўжалигимизда интенсив усулда балиқ етиштириш йўлга қўйилган, – дейди «Eco Fish-Friends» масъулияти чекланган жамияти раҳбари Бекзод Неъматов. – Жорий йилда хўжалигимизда 620 тоннадан ортиқ балиқ етиштириш режалаштирилган. Ҳозирга қадар 270 тонна балиқ овланиб, харидорларга етказиб берилди.
Ҳозирда сув ҳавзаларида асосан табиий ҳолатда балиқ етиштирилмоқда. Бироқ бу балиқ ҳажми талабга нисбатан кам. Балиқ етиштириш ҳажмини ошириш учун сув ҳавза юзасига қафас (садок) мосламаларини жойлаштириб, мазкур мосламалар ёрдамида интенсив усулда балиқ етиштириш, биринчидан, балиқ ҳажмини оширади, иккинчидан, балиқ сифатини яхшилайди ва учинчидан, талаб асосида балиқ етиштириш имконини беради. Буни ҳисобга олган ҳолда ушбу балиқчилик корхонасида ҳам балиқлар интенсив, яъни садок усулида етиштирилмоқда.
– Фаолият бошлаганимизга 9 йилдан ошди, – дейди Бекзод Неъматов. – Хўжалигимизда балиқ парваришлаш, етиштириш бўйича муайян тажриба тўпланган. Ана шу тажрибалар, илғор иш усуллари фаолиятимизни самарали юритишда муҳим омил бўлмоқда. Биз етиштирган балиқлар нафақат вилоятимизда, балки «Корзинка» супермаркетлари тармоғи орқали республикамизнинг барча ҳудудларига етказиб берилмоқда.
Бундан ташқари, яқин кунларда қўшни республикаларга ҳам ўзимизда етиштирилган балиқларни экспорт қилиш ниятидамиз. Бу борада дастлабки келишувларга ҳам эришилди.
Юртимизда озиқ-овқат хавфсизлигини таъминлаш борасида муҳим омиллардан ҳисобланган балиқчилик тармоғини ривожлантириш, хўжаликларда илғор тажрибалар, интенсив усуллар асосида балиқ етиштириш ҳамда бу борадаги ишлар кўлами ва сифатини оширишга қаратилган лойиҳаларни қўллаб-қувватлаш давом эттирилади.
Хусусан, аҳолимизнинг балиқ маҳсулотига бўлган эҳтиёжини қондириш, тармоқда янги технологияларни жорий этиш, мазкур соҳада фаолият юритаётган хўжаликлар моддий-техник базасини мустаҳкамлаш мақсадида Наманган вилояти Чуст туманидаги «Rezaksoy» сув омбори ҳудудида жойлашган «Eco Fish-Friends» корхонасининг балиқчилик лойиҳаси молиялаштирилди.
– Хўжалигимизда интенсив усулда балиқ етиштириш йўлга қўйилган, – дейди «Eco Fish-Friends» масъулияти чекланган жамияти раҳбари Бекзод Неъматов. – Жорий йилда хўжалигимизда 620 тоннадан ортиқ балиқ етиштириш режалаштирилган. Ҳозирга қадар 270 тонна балиқ овланиб, харидорларга етказиб берилди.
Ҳозирда сув ҳавзаларида асосан табиий ҳолатда балиқ етиштирилмоқда. Бироқ бу балиқ ҳажми талабга нисбатан кам. Балиқ етиштириш ҳажмини ошириш учун сув ҳавза юзасига қафас (садок) мосламаларини жойлаштириб, мазкур мосламалар ёрдамида интенсив усулда балиқ етиштириш, биринчидан, балиқ ҳажмини оширади, иккинчидан, балиқ сифатини яхшилайди ва учинчидан, талаб асосида балиқ етиштириш имконини беради. Буни ҳисобга олган ҳолда ушбу балиқчилик корхонасида ҳам балиқлар интенсив, яъни садок усулида етиштирилмоқда.
– Фаолият бошлаганимизга 9 йилдан ошди, – дейди Бекзод Неъматов. – Хўжалигимизда балиқ парваришлаш, етиштириш бўйича муайян тажриба тўпланган. Ана шу тажрибалар, илғор иш усуллари фаолиятимизни самарали юритишда муҳим омил бўлмоқда. Биз етиштирган балиқлар нафақат вилоятимизда, балки «Корзинка» супермаркетлари тармоғи орқали республикамизнинг барча ҳудудларига етказиб берилмоқда.
Бундан ташқари, яқин кунларда қўшни республикаларга ҳам ўзимизда етиштирилган балиқларни экспорт қилиш ниятидамиз. Бу борада дастлабки келишувларга ҳам эришилди.
Юртимизда озиқ-овқат хавфсизлигини таъминлаш борасида муҳим омиллардан ҳисобланган балиқчилик тармоғини ривожлантириш, хўжаликларда илғор тажрибалар, интенсив усуллар асосида балиқ етиштириш ҳамда бу борадаги ишлар кўлами ва сифатини оширишга қаратилган лойиҳаларни қўллаб-қувватлаш давом эттирилади.
Банк Ахборот хизмати
Кўришлар: 58
