Банк иш фаолиятида, фақат кредитлаш вақтинча тўхтатилган

«Facebook» ижтимоий тармоғида "МИКРОКРEДИТБАНК НEГА ИШ ФАОЛИЯТИНИ ТОХТАТИ" номли мурожаат эълон қилинган бўлиб, унда Фарғона вилояти Сўх тумани "Микрокредитбанк" нега иш фаолиятини тўхтатиб аҳолига беш ойдан бери хизмат кўрсатмай келаётганлиги маълум қилинган

Юқоридаги ҳолат ўрганилганда, «Микрокредитбанк» АТБ Сўх БХМнинг кредит портфели қолдиғи 801 нафар мижозда 16,8 мрд.сўмни ташкил этиб, бугунги кун ҳолатига 509 нафар мижозда 1,6 млрд.сўм муддати ўтган қарздорлик ҳамда 202 нафар мижозда 4,6 млрд.сўм 90 кундан ошган муаммоли кредитлар ҳиссасига тўғри келмоқда.

Ушбу ҳолатдан кўриниб турибдики, 64 фоиз кредитлар муаммога айланган. Шу сабабли Сўх банк хизматлар маркази томонидан ҳозирда кредитлаш амалиёти вақтинча тўхтатилган, бироқ мижозлар учун бошқа барча турдаги банк хизматлари кўрсатиб келинмоқда.

Шу ўринда яқин кунларда Сўх БХМда ҳам кредит ажратиш бошланишини маълум қиламиз.

Банк Ахборот хизмати