Банк ходими стрессни қандай бошқарса бўлади?

Банк ходимлари учун ташкил этилган навбатдаги психологик тренинг айни шу мавзуда бўлди.

Дам олиш кунларида Янги Ўзбекистон боғида, очиқ осмон остида МКБAНК ходимлари учун семинар тренинг ўтказилди.

Унда халқаро тоифадаги тренер Сухроб Хидиров томонидан стресс ва эмоционал руҳий ҳолатларни бошқариш, жамоа бўлиб ишлаш, профессионал маҳоратни ошириш, муваффақиятга эришиш усуллари каби йўналишларда мотивацион ўқувлар ташкил этилди.

Интерактив усулда ташкил этилган семинар тренингда аввал жамоа бўлиб ишлашдаги муаммолар ўрганилди ва унга ечимлар берилди. Шу билан бирга шахсий ривожланиш усуллари таҳлил қилинди.

“Биз бугун қайси позицияда эканимизни тушуниб етдик. Психологик тестлар орқали шахсий ривожланиш босқичлари ҳақида маълумотга эга бўлдик. Кейинги фаолиятимиз учун зарур бўладиган тавсиялар олдик”, — дейди банк ходими Сухроб Aкбаров.

Қизиқарли ва самимий ўтган тренинг ходимларда катта таассуротлар қолдирди, десак адашмаймиз.

Банк Aхборот хизмати