“Микрокредитбанк” АТБ ходимлари учун Япония халқаро ҳамкорлик агентлиги (JICA) билан ҳамкорликда навбатдаги ўқув тренинг ўтказилди.
Мазкур тренинг давомида ходимлар махсус таклиф этилган тренерлар - Нвард Караханян, Элвира Суванова, Азамат Мамитовларнинг маърузаларини тинглаб, “Микрокредитбанк” АТБ томонидан “Мева-сабзавотчилик тармоғида қўшилган қиймат занжири яратишни ривожлантириш” кредит линияси бўйича маблағларни тўғри ёְ'налтириш ва уларни мониторинг қилиш борасида халқаро тажриба билан яқиндан танишиш имконига эга бўлишди.
Жумладан, қишлоқ хўжалиги секторининг мева-сабзавотчилик соҳаси, маҳсулот етиштириш, қадоқлаш, қайта ишлаш, шок усулида музлатиш, озиқ-овқат саноати сингари лойиҳаларни молиялаширишда эътибор қаратилиши лозим бўлган жиҳатлар, банк томонидан таклиф этиладиган хизматлар ҳақида замонавий билим ва кўникмалар ҳақида маълумотлар берилди.
Тренинг интерактив усулда, турли тақдимотлар, жамоавий муҳокамалар ва амалий машғулотлар тарзида ўтказилди.
Банк Ахборот хизмати
Яна кўринг
Коррупцияга қарши кураш бўйича брифинг ўтказилди
WE-Finance Code ташаббусининг йиллик ҳисобот йиғилиши бўлиб ўтди
